web counter
LEXO PA REKLAMA!

SHKARKO APP

App Store
Google Play

Protesta kombëtare e thirrur nga opozita/ Dash Shehi: Manovër për të mbyllur hesapet brenda PD-së

25 Qershor 2024, 22:26, Aktualitet CNA
Protesta kombëtare e thirrur nga opozita/ Dash Shehi: Manovër për
Kreu i LZHK-së, Dashamir Shehi

Kreu i LZHK-së, Dashamir Shehi ka deklaruar se protesta e thirrur në 11 Korrik nga opozita është një manovër përfundimtare për të mbyllur hesapet brenda PD-së.

Në një intervistë në A2Cnn, Shehi u shpreh se nuk shikon asgjë të re pasi është i njëjti grup që po proteston me drejtues Berishën.

“Protesta s’ka asgjë të keqe, por unë e shoh si manovër përfundimtare që brenda PD-së po mbyllin hesapet e veta që i kishin tepruar. Tani u mor dhe vula. T’i marrim edhe ato që mendojnë ndryshe t’i futim këtu brenda grupit tonë. Është vazhdim i së njëjtës politikë që jemi grupi më i madh opozitar dhe do ta bëjmë ne ligjin brenda opozitës. Është i njëjti grup me drejtues Berishën dhe unë nuk shikoj asgjë të re. Shikoj spostim nga temat që kemi ne si opozitë sot. Tema më e rëndësishme sot është ndryshimi i kodit zgjedhor.

A keni parë gjë ju? Nuk po ecet me reformën se nuk ka dëshirë nga asnjë palë. E gjitha kjo është operacion për të mbyllur hesapet e fundit brenda PD dhe për të lançuar lidershipin e ri si e mendojnë ata, që janë brenda filozofisë së PD dhe është e gjithë e drejta e tyre të mbyllin punët e veta, por nuk është ky aksioni opozitar në këtë moment. Aksioni opozitar është të ndryshojmë kodin zgjedhor që t’i japim shans të gjithë faktorëve opozitarë të hyjnë në zgjedhje e të kenë shans për t’u përfaqësuar. Me këtë kod që kemi sot i kanë përjashtuar me ligj ky është kodi i 2009, marrëveshje e 2008-s kundër demokracisë. Këto bëjnë sikur nuk e dinë”, tha Shehi./ CNA

 





Lajmet e fundit nga