E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Projektrezoluta e PD-së/ Zbulohen pikat kyçe

25 Qershor 2024, 16:07, Aktualitet CNA

Kryesia e PD-së ka hartuar projektrezolutën e cila pritet të miratohet në mbledhjen e Këshillit Kombëtar që do të mbahet ditën e premte.

Në projektrezolutë theksohet se PD ka mision shpëtimin e Shqipërisë nga narkoshteti, krimi i organizuar dhe megakorrupsioni.

“Partia Demokratike ka mision të saj shpëtimin e Shqipërisë nga narkoshteti, krimi i organizuar dhe megakorrupsioni. Shqipëria duhet t'i kthehet vlerave evropiane, shtetit të së drejtës, drejtësisë së pavarur, ekonomisë së tregut, të drejtave themelore të lirisë së individit, qeverisjes së pastër dhe të përgjegjshme në integrimin e saj në Bashkimin Europian”, thuhet në projektrezolutë.

Një tjetër pikë kyçe në projektrezolutë është dhe bashkimi i opozitës.

Aksioni politik i Partisë Demokratike duhet të synojë jo vetëm bashkimin e demokratëve në një front të vetëm përballjeje me narkoshtetin, por bashkimin e të gjithë opozitarëve që qeverinë socialiste të Edi Ramës e konsiderojnë rrezik kombëtar dhe mendojnë se ky regjim duhet luftuar deri në fund dhe pa asnjë kompromis.

Gjithashtu u bëhet thirrje të gjitha strukturave për të mirëpritur të gjithë ata që duan të rikthehen në PD.

“Bashkimi i opozitës nën flamurin e vlerave demokratike është tashmë realitet dhe prioritet absolut i Partisë Demokratike.

Aksioni politik i Partisë Demokratike duhet të synojë jo vetëm bashkimin e demokratëve në një front të vetëm përballjeje me narkoshtetin, por bashkimin e të gjithë opozitarëve që qeverinë socialiste të Edi Ramës e konsiderojnë rrezik kombëtar dhe mendojnë se ky regjim duhet luftuar deri në fund dhe pa asnjë kompromis.

Për të realizuar këtë mision kombëtar, Këshilli Kombëtar i Partisë Demokratike i bën thirrje strukturave drejtuese të Partisë Demokratike të marrin të gjitha masat dhe të përgatisin të gjitha kushtet për bashkimin e demokratëve dhe qytetarëve në një front të vetëm, duke lënë mënjëanë çdo dallim apo mosdakordësi, sepse ajo që bashkon të gjithë opozitarët, rezistenca ndaj narkoshtetit dhe fitorja në zgjedhjet e ardhshme, janë prioritare”, theksohet në projektrezolutë.

Një tjetër pikë kyçe e projektrezolutës janë zgjedhjet e lira dhe qeveria teknike.

“Partia Demokratike konsideron zgjedhjet e lira dhe të ndershme si mekanizëm thelbësor që garanton pluralizmin politik dhe vlerat e familjes evropiane ku duam të bëhemi pjesë. Për këtë arsye Partia Demokratike kërkon me forcë dhe do beje çdo përpjekje për një qeveri teknike, për të garantuar minimumin e standardeve të pranueshme zgjedhore, si parakusht për rotacionin politik që presin shqiptarët. Qeveria teknike dhe vota e diasporës janë kushtet më themelore për zgjedhje të lira dhe të ndershme në Shqipëri. Realizimi i tyre është detyrimi më madhor dhe më jetik i Partisë Demokratike dhe opozitës shqiptare”, thuhet në projektrezolutë./ CNA