web counter
LEXO PA REKLAMA!

SHKARKO APP

App Store
Google Play

Raporti i UNICEF/ Topalli: 47% e fëmijëve në Shqipëri jetojnë në varfëri

24 Qershor 2024, 21:48, Aktualitet CNA
Raporti i UNICEF/ Topalli: 47% e fëmijëve në Shqipëri
Jozefina Topalli

Ish-kryetarja e parlamentit, Jozefina Topalli ka deklaruar në tubimin para banesës së kreut të PD-së, Sali Berisha se qëndresa që mbajtën demokratët u arrit të merrej vula dhe të ndalej përçarja e opozitës.

Topalli u shpreh se, me rezitencë demokratët kanë arritur të ngrenë zërin ndaj korrupsionit të Bashkisë dhe ta luftojnë atë.

“Sot jemi në një situatë në të cilën në sajë të betejës, së përkushtimit, në sajë të sakrificës, qëndresës prej 170 e ca ditësh kemi arritur të marrim vulën, të ndalim përçarjen dhe të ngrejmë çështje të mëdha në parlament.

Kemi arritur që çdo ditë në të ftohtë, në të nxehtë, të vazhdojmë në rezistencën tonë, kemi arritur që çdo javë  të luftojmë dhe të ngrejmë zërin kundër korrupsionit të bashkisë.

Kemi arritur që çdo javë në parlament të shpallim të gjitha, protestat tonë kundra kësaj qeverie, pushteti, a si të ja vëmë emrin.

Nuk ka një vend tjetër në botë që të jetë në çdo rrethim në çdo përshkallëzim i fundit”, u shpreh Topalli.

Më tej Topalli ka komentuar raportin e UNICEF për kequshqyerjen e fëmijëve duke thënë se 47% e fëmijëve shqiptarë jetojnë në varfëri.

“Po të keni lexuar raportin e UNICEF ata thonë që 47 përqind të fëmijëve shqiptarë jetojnë në varfëri ushqimore.

Këtu ka shumë nëna, motra, gjyshe, imagjinoni çfarë do të thotë për një fëmijë që nuk ka mundësi as për tu ushqyer.

Po t’ja thuash këtë një vendi normal ato e kanë të vështirë ta kuptojnë sepse aksesi ndaj ushqimit është e drejta e parë më elementarja.

Duhet të kesh një shpirt kriminal që të mos i japësh çdo familjeje shqiptare, mundësinë të ushqejë fëmijët e tyre,që nesër do bëhen qytetarë të ndershëm të këtij vendi”, tha Topalli./ CNA





Lajmet e fundit nga