web counter
LEXO PA REKLAMA!

SHKARKO APP

App Store
Google Play

Rilindja dhe 99-çat në sulm ndaj institucioneve kushtetuese

24 Korrik 2024, 18:56, Aktualitet CNA
Rilindja dhe 99-çat në sulm ndaj institucioneve kushtetuese
Fatmir Xhafaj, Eduart Shalsi, Erion Veliaj dhe Bledi Çuçi

Sot u faktua një tjetër rast. Antikushtetutshmëria. Kriminal politikisht. Një sulm ndaj Gjykatës Kushtetuese dhe këtë e dëgjuam live nga kreu i grupit parlamentar të PS-së, zoti Bledi Çuçi.

Më parë kishim dëgjuar Fatmir Xhafajn, edhe nga informacionet që CNA kishte siguruar se po përgatiste një komision për llogari të Erion Veliajt për të goditur institucionet e pavarura, institucionet Kushtetuese dhe këndvështrimi kryesor do të ishte SPAK, goditja e tij dhe thirrja në apel.

Kjo për faktin se ky institucion ishte jashtë kontrollit të Rilindjes. Por nuk vonoi. Komisioni filloi punën. Xhafaj mbeti i braktisur. Ndërkombëtarët i treguan vendin së bashku me opozitën.

Më pas filloi një tjetër histori. Historia e sulmit ndaj KLSH. Këtë e dirigjoi Eduart Shalsi i cili në fakt ashtu siç CNA e ka quajtur “idioti i dobishëm i Rilindjes”, është njeriu që me një nënkomision të caktuar do të dirigjonte ngritjen e komisionit të Xhafajt apo një Reformë brenda parlamentit.

Tashmë qartazi edhe ai bëri goditjen e tij. Por synimin e kishte te KLSH-ja. Një institucion i tretë i goditur ka qenë SPAK.

SPAK sot u godit dhe nga Bledi Çuçi përveç komisionit Fatmir Xhafaj sepse ky i fundit mori në mbrojtje, iu bashkua drejtorëve hajdutë, organizatës kriminale të inceneratorëve. U sulmua në parlament një tjetër institucion pak ditë më parë nga Erion Veliaj e të tjerë siç ishte Autoriteti i Konkurencës i Denar Bibës në një raport.

Pra institucione që goditen, akuzohen, tentohen të intimidohen dhe futen në kontroll në mënyrë të njëpasnjëshme. Nuk pyet kush te Rilindja për Gjykatën Kushtetuese. Sulme dhe kontrolle për të intimiduar SPAK-un.

Më pas radhën e ka KLSH-ja, goditje ballore Autoritetit të Konkurrencës.

Pra, në pak ditë sulme të pandalshme dhe "atentate" ndaj institucioneve të pavarura kushtetuese të vendit.

Rilindja dhe 99-çat duken në hall të madh. Sulmi është frontal. Çështja është: A do të rezistojnë institucionet apo do të përfundojnë anekse dhe zgjatime të pushtetit që ndoshta një vit përpara zgjedheve po tenton të kapë qelizat e fundit që ka jashtë kontrollit./ CNA





Lajmet e fundit nga