web counter
LEXO PA REKLAMA!

SHKARKO APP

App Store
Google Play

E fundit!

x

Reshjet e shiut shkaktojnë probleme në Lezhë/ Mungon energjia elektrike në fshatra

4 Nëntor 2025, 09:25, Aktualitet CNA

Reshjet e shiut shkaktojnë probleme në Lezhë/ Mungon energjia

Stuhitë e forta të erës dhe reshjet e shiut kanë sjellë problematika në Lezhë. Prej mesnatës së kaluar janë shkaktuar probleme në furnizimin me energji elektrike dhe lëvizjen detare.

Disa fshatra në zonën e Zadrimës, si dhe në njësitë administrative Kolsh dhe Zejmen, janë pa energji elektrike për shkak të defekteve të shkaktuara në rrjet nga moti i keq. Grupet e punës së Operatorit të Shpërndarjes së Energjisë Elektrike Rajoni verior ndodhen në terren dhe po punojnë për rikthimin e energjisë në zonat e prekura.

Ndërkohë, nga moti i keq në brigjet e Shëngjinit është krijuar dallgëzim i lartë, çka e bën të rrezikshëm lundrimin me mjete të vogla. Autoritetet u bëjnë thirrje drejtuesve të varkave të peshkimit që të tregojnë kujdes dhe të shmangin daljet në det deri në përmirësimin e kushteve atmosferike.

Nga ana tjetër, strukturat e emergjencave civile në të tria bashkitë e Qarkut të Lezhës janë vënë në gatishmëri për t'i paraprirë çdo situate që mund të krijohet. Disa rrugë rurale kanë pasur rrëshqitje dherash duke e pasur thuajse të pamundur lidhjen mes fshatrave./CNA





Lajmet e fundit nga