web counter
LEXO PA REKLAMA!

SHKARKO APP

App Store
Google Play

Reagon Alfred Balla: Nuk jam shkarkuar nga kreu i KLP-së

21 Maj 2024, 19:10, Aktualitet CNA

Kolegji i Posaçëm i Apelimit shkarkoi dhe përjashtoi për 15 vjet nga sistemi i drejtësisë Alfred Ballën, kreun e KLP-së.

Për këtë vendim të KPA-së ka reaguar vetë Alfred Balla në rrjete sociale. Ai thotë se vendimi i trupës gjykuese të Kolegjit të Posaçëm të Apelimit ishte i turpshëm.

Gjithashtu, Balla se vendimi i “vetting”-ut nuk do të prekë statusin e tij aktual si kryetar të KLP-së.

“Edhe pse shpresova se nuk do të ndikohej, sot KPA-ja (shumica) mori një vendim të turpshëm që të ndërpresë pa një vendim përfundimtar vetingun tim si ish-këshilltar ligjor në Gjykatën e Lartë ku kam punuar para 8 vitesh, duke e shoqëruar edhe me ndalesat e nenit “G” të Aneksit të Kushtetutës, të cilat u vihen vetëm atyre që dorëhiqen ose shkarkohen nga detyra ku nuk ishte asnjë rast për mua.

Ky vendim më la shije jo të mirë edhe pse nuk ka lidhje me statusin tim aktual në KLP, si i zgjedhur nga Parlamenti nga radhët e shoqërisë civile dhe jo si magjistrat.

Për sqarim, ky nuk është një vendim shkarkimi, pasi nuk është bërë hetim administrativ ndaj meje.

Në bazë të këtij vendimi, në të ardhmen nuk mund të kandidoj për vende të caktuara, kuptohet deri sa të shprehet GjEDNj.

Më keq më vjen për avokaten time, që kishte bindjen se çështja ishte e fituar, nisur nga gjithë praktika e vetë KPA-së…”, thekson kreu i KLP-së./ CNA





Lajmet e fundit nga