web counter
LEXO PA REKLAMA!

SHKARKO APP

App Store
Google Play

Raporti i ODIHR/ Ambasada e SHBA, ultimatum partive politike: Zbatoni rekomandimet

3 Tetor 2023, 17:13, Aktualitet CNA
Raporti i ODIHR/ Ambasada e SHBA, ultimatum partive politike: Zbatoni
Ambasada e SHBA në Tiranë

Ambasada e SHBA në Tiranë ka reaguar në lidhje me raportin e OSBE-ODIHR-it për zgjedhjet vendore të 14 majit.

Ambasada thotë se mirëpret gjetjet që përshkruan fushat me përmirësim të vazhdueshëm, si dhe mangësitë në zgjedhje.

Gjithashtu, SHBA nxit partirë politike që të zbatojnë rekomandimet që lidhen me keqpërdorimin e burimeve shtetërore, akuzat për blerje votash, fshehtësinë e votimit dhe parandalimin e frikësimit të votuesve, si dhe presionin mbi punonjësit e sektorit publik dhe votuesit.

“Ambasada e SHBA mirëpret raportin e fundit të ODIHR-it për zgjedhjet vendore të 14 majit që përshkruan fushat me përmirësim të vazhdueshëm, si dhe mangësitë. Shtetet e Bashkuara nxisin qeverinë, partitë politike dhe institucionet shtetërore të zbatojnë rekomandimet e ODIHR-it, të cilat përfshijnë keqpërdorimin e burimeve shtetërore në nivel qendror dhe vendor, akuzat për blerje votash nga të gjitha palët, marrjen e masave për të siguruar fshehtësinë e votimit dhe parandalimin e frikësimit të votuesve, si dhe presionin mbi punonjësit e sektorit publik dhe votuesit. Raporti theksoi gjithashtu nevojën për të siguruar zbatimin e ligjit për të drejtën e informimit në mënyrën e duhur, dekriminalizimin e shpifjes, si dhe mbështjetjen e gazetarisë së pavarur. Shtetet e Bashkuara mbështesin angazhimin për të trajtuar të gjitha rekomandimet e ODIHR-it, në mënyrë që të sigurohet një kuadër zgjedhor gjithëpërfshirës dhe konseguent si dhe kërkesat e popullit shqiptar për një demokraci të fortë”, thekson ambasada./ CNA





Lajmet e fundit nga