web counter
LEXO PA REKLAMA!

SHKARKO APP

App Store
Google Play

“Luftë me videon erotike të SKY”, Klodiana Lala: Ja kush po anatemohet

3 Tetor 2023, 15:44, Aktualitet CNA
“Luftë me videon erotike të SKY”, Klodiana Lala: Ja kush
Gazetarja Klodiana Lala

Gazetarja Klodiana Lala ka reaguar pas deklaratës së bërë pak ditë më parë nga eksperti i kriminalistikës, Ervin Karamuço, ku u shpreh se nga telefoni i një personi që është ende në kërkim nga drejtësia ka dalë një video erotike, ndërsa theksonte se pjesë e saj ishin dy personazhe mjaft të njohura të botës së "showbiz"-it.

Lala tha se ekspertët përpara se të flasin do të duhet të marrin pak informacion.

“Është bërë një luftë e madhe për një video që doli nga SKY. Ekspertët përpara se të flasin do të duhet të marrin pak informacion”, tha Lala.  

Sipas saj njerëz që nuk kanë asnjë kontakt a burim në SPAK dalin flasin broçkulla në ekran.

“Ka njerëz që nuk kanë asnjë kontakt dhe burim në SPAK dhe dalin flasin broçkulla në ekran, ngatërrojnë gjithë dynjanë. Kush anatomohet pastaj? Ne gazetarët”, u shpreh Lala.

Ajo dha 2 arsye se pse informacioni për videot bie poshtë si i pavërtetë.

“Nuk dua të mbroj SPAK-un, por duhet të sqaroj dy momente thelbësore, SKY ECC nuk ka opsion për të dërguar video. Bie poshtë, informacion i pavërtetë. E dyta, ka një gjë tjetër, rasti i Ervis Martinajt, dyshimet e familjarëve për rrëmbim dhe zhdukje, nuk hetohen fare nga prokuroria e posaçme”, thotë Lala.

Gjithashtu sipas saj ka disa arsye pse nuk duhet të flitet për atë video.

“E treta, vajza që shfaqet në atë video, cilado qoftë ajo, nuk ka rëndësi fare, ne nuk jemi këtu për të bërë gjyq popullor. Është një vajzë e përfshirë në krim? Nuk më rezulton. Është një vajzë që ka nxjerrë dikë në pritë? Nuk më rezulton. Është një vajzë që ka marrë para nga taksapaguesit shqiptarë? Nuk më rezulton. Ka bërë punën e vet, pse duhet të anatemohet një vajzë apo një grua sepse dikush do të bëjë 'show'? Është e patolerueshme dhe duhet të marrë fund”, tregon Lala.

“Disa njerëz do të duhet të ndalen përpara se të shkojnë në studio duhet të ndalen, të lexojnë përpara dhe pastaj të flasin”, tha ajo.  

 





Lajmet e fundit nga