web counter
LEXO PA REKLAMA!

SHKARKO APP

App Store
Google Play

Radhë të gjata në Doganën e Kapshticës/ Emigrantët në pritje për rreth tre orë

3 Mars 2025, 18:34, Aktualitet CNA

Radhë të gjata në Doganën e Kapshticës/ Emigrantët

Prej më shumë se tre orësh, qindra emigrantë shqiptarë po presin në radhë në Pikën Kufitare të Kapshticës. Ndonëse nuk ka një festë zyrtare, në këtë doganë është krijuar radhë mjetesh prej më shumë se 2 kilometrash për shkak se pala greke po punon me tre sportele dhe në mënyrë të ngadalësuar.

Pjesa më e madhe e shqiptarëve kanë kaluar disa ditë pushimi në atdhe ndërsa sot kanë vendosur të kthehen në Greqi, atje ku jetojnë e punojnë prej vitesh.

Në intervistat e siguruara nga CNA, vetë emigrantët janë shprehur të indinjuar nga kjo situatë duke treguar se kanë edhe familjarë të sëmurë dhe angazhime urgjente, por janë hasur me të njëjtin problem që ndodh edhe gjatë festave.

“Kam babin sëmurë e tani po iki. Nuk e di kush e ka fajin. Kam më tepër se 40 minuta që po pres këtu”, u shpreh një emigrant.

Një prej emigrantëve tha se pritja në radhë ka nisur që prej orës 4 të pasdites së sotme.

“Që në orën 4 jemi këtu. Se di, greku nuk po punon. Kemi ardhur për qejf. Nuk është normale, në 2025 akoma presim, nuk është Viti i Ri, nuk janë Pashkët. Është turp. Radha 2 kilometër”, tha një tjetër emigrant.

Mësohet se pala shqiptare po punon me 5 sportele për të bërë sa më të shpejtë kalimin e mjeteve, por duket se nga pala greke ka ende ngadalësim të procedurave dhe sportele të pakta, çka ka sjellë ngërç në tokën neutrale dhe radhën prej 2 kilometrash në këtë pikë kufitare./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.al)





Lajmet e fundit nga