web counter
LEXO PA REKLAMA!

SHKARKO APP

App Store
Google Play

Qëndrimi i Greqisë/ Andi Bushati:  Beleri, çështje e rrëmbimit të tokave të jugut

16 Nëntor 2023, 22:21, Aktualitet CNA

Qëndrimi i Greqisë/ Andi Bushati:  Beleri, çështje e

Analisti, Andi Bushati, ka folur për bllokadën e Greqisë ndaj Shqipërisë, lidhur me hapjen e pesë kapitujve të parë të negociatave.

Në një intervistë për News 24 Bushati tha se Greqia ka treguar në politikën e jashtme një lloj nacionalizmi primitiv.

Ai tha se çështja Beleri nuk është në thelb, si e shfrytëzon Greqia një çështje minoriteti apo të drejtash njeriu, por është çështje e rrëmbimi të tokave të jugut.

"Gjithmone Greqia, jo vetëm me ne, por edhe me Maqedoninë e Veriut, ka treguar në politikën e jashtme një lloj nacionalizmi primitiv. Këtu ësthë sport popullor të godasësh Greqinë dhe Serbinë. Por të merremi me problemin. A i kemi dhënë ne shkak Athinës për t’u sjellë kështu? Edi Rama tha “po ngelëm për Belerin, kurrë mos hyfshim në BE. I njëjti kryeministër ka përshëndetur me një zjarr të madh Maqedoninë, që ndërroi emrin, flamurin, simbolet, pra sakrifikoi nga sovraniteti i vet për të hyrë në BE. I njëjti Edi Ramë i thotë Kosovës, prano një "Republikë Srpska" vetëm për integrimin. Kur vjen puna për Shqipërinë, thotë “për një Beler mo, kurrë mos hyfshim në BE”.

Çështja Beleri nuk është në thelb, si e shfrytëzon Greqia një çështje minoriteti apo të drejtash njeriu, por është çështje e rrëmbimi të tokave të jugut. Beleri është i burgosur politik, sepse Rama do të rrëmbejë ato troje që kanë mbetur në jug, pa asnjë pengesë.  Kjo shpjegon që Beleri për herë të parë në Shqipëri, u burgos pas një fushate idioteske të kryeministrit. U arrestua nga një provokim i policisë politike, që i ngriti kurth sipas porosisë së kryeministrit.  Nëse ne hapim me BE-në kapituj ku do të shqyrtohet drejtësia dhe gjyqësori, një vend normal do të vinte pengesë për këtë lloj drejtësie? Edhe sikur Athina të mos kishte këto interesa të mbrapshta, veto është e justifikuar, sepse rasti Beleri është rast tipik që tregon që ne nuk kemi drejtësi", tha Bushati./ CNA





Lajmet e fundit nga