web counter
LEXO PA REKLAMA!

SHKARKO APP

App Store
Google Play

“Kryeministri të dalë e të përgjigjet”/ Klodiana Lala: Në kamp mund të ketë trafikantë! Kush do të hetojë?

16 Nëntor 2023, 16:29, Aktualitet CNA

“Kryeministri të dalë e të përgjigjet”/ Klodiana

Gazetarja, Klodiana Lala në një intervistë për News 24 ka ngritur disa pikëpyetje lidhur me marrëveshjen Shqipëri-Itali për emigrantët.

Lala ngre pikëpyetje lidhur me mënyrën se si do të menaxhohen emigrantët që do të vijnë si dhe për mënyrën se si do të bëhet hetimi në rast të ndonjë krimi.

Ajo thotë se pret që “kryeministri i vendit të dalë dhe të përgjigjet sot dhe të thotë se një person që nuk e fiton statusin do ta kthejë me avionin e parë apo anijen e pare”.

“Pikëpyetja e parë që më lind mua, a do të mundet ta menaxhojnë si duhet? Sa do të lejohen numri i personave njëherësh në kamp? E treta, nëse ndodh një krim në kamp, mund të jenë trafikantë dhe me prirje kriminale, kush do të kryej hetimet? Në momentin kur nuk merr statusin e azilantit, ku do të shkojë ky persona se normalisht nuk mund të mbahet i mbyllur.

Konventa e emigrantëve nuk e lejon pasi mund të apelojë vendimin. Si do të trajtohet si një emigrant që do të shkojë në Itali apo në Shqipëri. Shqipëria nuk mund të jetë një han pa porta që mund të vijë kushdo këtu. Unë pres nga kryeministri i vendit tim të dalë dhe të përgjigjet sot dhe të thotë se një person që nuk e fiton statusin do ta kthejë me avionin e parë apo anijen e parë.”, tha Lala./ CNA





Lajmet e fundit nga