E fundit!

14:01 Live Updates

Irfan Hysenbelliu, mashtruesi që kërkon të dalë kundër shtetit

Irfan mashtruesi kundër shtetit 20 Korrik...

Gjergj Luca u përgjigjet gjobaxhinjve të medias/ Veliera është pronë e "Rozafës"

16 Nëntor 2023, 12:20, Aktualitet CNA

Gjergj Luca

Biznesmesni dhe sipërmarrësi, Gjergj Luca, ka sqaruar nëpërmjet një videoje në rrjetet sociale se peshkatarët e kompanisë "Rozafa" nuk kanë vjedhur asnjë veliere.

Biznesmeni shprehet se veliera, lajmi për të cilën është përhapur në mediat e "tallavasë dhe portalet cinike" se është vjedhur nga peshkatarët e Rozafës, në fakt është pronë e kësaj kompanie.

Luca nënvizon se gjithçka është një keqkuptim dhe shprehet se do të sqarohet ky ngërç, sepse nuk ka asnjë logjikë, kjo që ka ngritur Policia Kufitare bashkë me Prokurorinë.

Biznesmeni shprehet se vendimin e gjykatës do ua çojë mediave të "tallavasë", ku aty do të tregohet e vërteta.

"Përshëndetje miq, duhet tu japim një përgjigje këtyre mediave të tallavasë, ajo atyre që janë korrekt dhe dalin bëjnë postimet normale të shtetit tonë.

Ju mediat e tallavasë, unë kam pranuar me gojën plot që kam qenë edhe unë hajdut në kohën e Enver Hoxhës kur gjithë populli jonë e kishte sport kombëtar vjedhjen, kur vidhte i gjithë populli që nga anëtari i byrosë deri tek roja e koprativës, deri tek mintatori, deri tek peshkatari, çdo njeri kapte ca të kapte, se donte t'i çonte tek shtëpia.

Tani në kapitalizëm është pronë private dhe me thënë të drejtën unë jam marrë me punë e me djersë të ballit. Tani kjo komedia e institucioneve tona që janë lënë njëra-tjetrës që për mua është një keqkuptim dhe një pafatësi interpretimi që mua më thonë që Rozafa dhe peshkatarët e Rozafës kanë vjedhur një veliere.

Një pyetje kam, kujt ia kam vjedhur velieren? Sipas gjithë legjislacionit dhe Kodit Detar Ndërkombëtar dhe Kodit Detar Shqiptar, ajo veliere është pronë e kompanisë Rozafa.

Pra unë jam një hajdut, ose peshkatarët e mi kanë vjedhur pronën e kompanisë së saj. Uroj që të sqarohet kjo punë dhe mendoj se do të sqarohet ky ngërç sepse nuk ka asnjë llogjikë, kjo që ka ngritur Policia Kufitare bashkë me Prokurorinë. Mendoj që është një keqkuptim dhe mediat e tallavasë do tua çoj në mënyrë postale vendimin e gjykatave të shtetit tonë, që për hir të së vërtetës po kthehet besimi tek gjykatat tona. Respekte", shprehet Luca./CNA