web counter
LEXO PA REKLAMA!

SHKARKO APP

App Store
Google Play

Pse Llapaj sillet si ushtari i bindur i Erion Veliajt?

17 Janar 2025, 12:19, Aktualitet REDAKSIONALE
Pse Llapaj sillet si ushtari i bindur i Erion Veliajt?
Erion Veliaj dhe Adriatik Llapaj

Adriatik Llapaj, në një dalje televizive në “A2CNN” në emisionin e Alba Alishanit, deklaroi se ai e donte Erion Veliajn në burg.

Kjo në fakt është qesharake të mendosh se një njeri, i cili pretendon që është politikan se ende nuk është bërë sa duhet, që është edhe avokat i paguar nga Soros dhe kjo e pranuar prej tij.

Njeriu, i cili në një dalje të tij tha pa dashje se ishte mandati i 71-të i Edi Ramës, i shpëtoi goja, megjithëse dje në emision tentoi ta rregullonte. Dje na tha se e donte kryebashkiakun e Tiranës në burg.

Dikujt mund t’i duket deklaratë e fortë politike, ja dhe Llapaj e tha. Se çfarë rëndësie ka, se pse e tha Llapaj pa qenë deputet e politikan fare, se është thjesht avokat, po avokatë Shqipëria ka me mijëra dhe shumë më të zotë e më të ditur se Llapaj e më të talentuar.

Por, ky ka marrë protagonizmin e tij politik duke gjetur hapësirë të pakufizuar në ekrane, kuptohet, me urdhër nga godina e kryeministrisë, në ekrane pa fund ku të tjerët qahen, Llapaj gjen hapësira për të broçkullisur.

Por që të besosh Llapajn se ky e do Erion Veliaj në burg, lind pyetja: Çfarë ka denoncuar, ku ka protestuar Llapaj kundër Veliajt? Llapaj është një vasal i tij, del në ekran dhe thotë që e do në burg, a thua se jemi në diktaturë, të fut e të nxjerr Llapaj.

Mos o zot të kemi një ditë në pushtet Llapajn, por që të të besojnë se nuk je një zar i rëndomtë i Erion Veliajt duhet të kesh disa akte.

Pse Llapaj sillet si ushtari i bindur i Erion Veliajt?
Adriatik Llapaj

Llapaj ushtar i bindur i Veliajt 

Nuk ka asnjë denoncim të bërë nga Llapaj, të paktën gjashtë muajt e fundit apo vitin e fundit kur ka nisur hetimi ndaj Veliajt për Bashkinë e Tiranës, që të marrë një dokument e të shkojë para bashkisë, që të mbledhë dokumentet e publikuara në media, qoftë ato që CNA ka publikuar apo mediat e tjera, t’i çojë në SPAK, të bëjë kallëzime kundër Erion Veliajt, të shkojë të protestojë kundër tij, të dalë para bashkisë me dokumente, me familjarë me qytetarë, me banorët e “5 Majit”, të denoncojë “5D”, inceneratorët, të denoncojë shembjen e teatrit, të denoncojë ndërtimet pa leje, prishjet abuzive të bëra, legalizimet, banesat sociale, objektet për të cilat protestojnë çdo ditë qytetarët. Nuk e ka bërë kurrë Adriatik Llapaj, thjesht dhe vetëm llap nëpër ekrane, asgjë më shumë sesa kaq.

Në SPAK nuk çon kallëzime ndaj kryebashkiakut të Tiranës, protesta para bashkisë nuk bën sepse pretendon se i bën PD dhe s’do të bashkohet me ta.

Po mirë, PD shkon një ditë të hënë ose të premte dhe ky mund të protestojë të martë, të mërkurë, të enjte, të diel, të shtunë, ka 7 ditë java dhe në 6 ditët e tjera i ka bosh që të protestojë para bashkisë, të denoncojë, të kallëzojë.

Por nuk e bën dot Adriatik Llapaj sepse nuk është asgjë më shumë e më pak sesa Llapaj i Erion Veliajt për t’u keqpërdorur ndaj opozitës dhe për t’i shërbyer nesër pushtetit të Edi Ramës si mandati 71-të./CNA

 





Lajmet e fundit nga