web counter
LEXO PA REKLAMA!

SHKARKO APP

App Store
Google Play

E fundit!

x

Kush e financon Adriatik Lapajn?

15 Dhjetor 2024, 09:12, Politikë CNA
Kush e financon Adriatik Lapajn?
Adriatik Lapaj

Me afrimin e zgjedhjeve, partitë politike kanë nisur ture nëpër botë për takime me diasporën.

Një tur ka nisur edhe Adriatik Lapaj me lëvizjen e tij “Shqipëria Bëhet”, për të cilin ngrihen dyshime të forta në lidhje me financimet.

Deri më tani, Lapaj ka zhvilluar 4 takime me emigrantë shqiptarë në Itali dhe Gjermani.

Takimin e parë ai e zhvilloi më 3 nëntor në Dusseldorf. Në datat 17 nëntor, 30 nëntor dhe 1 dhjetor, Lapaj zhvilloi takime përkatësisht në Pisa, Torino dhe Perugia.

Ndërkohë, më 14 dhjetor mbajti një takim në Michigan të SHBA-së.

Kush e financon Adriatik Lapajn?

Lapaj është shoqëruar nga 7 persona, pjesë e stafit të tij, gjatë këtij turi, i cili është jashtëzakonisht i kushtueshëm.

Takime elektorale me emigrantët kanë shpenzime të mëdha, duke nisur nga biletat e udhëtimit, hoteli ku akomodohen, salla ku organizohet takimi, fonia, billborder-at e shumë e shumë të tjera.

Kush e financon Adriatik Lapajn?

Vetëm biletat e avionit për stafin e tij në një udhëtim në Gjermani, sikur të merrnin minimalisht një biletë 200 euro, shkojnë rreth 1500 euro. Për hotelin, me fjetje një apo dy netë do të duhen rreth 1500 euro të tjera. Për ushqim dhe pije duhen sërish rreth 1500 euro të tjera.

Për të marrë një sallë me qira kushton të paktën 10 mijë euro, ndoshta edhe 20 mijë.

Pra, udhëtimi në Dusseldorf i ka kushtuar minimalisht 20 deri 30 mijë euro, për të mos thënë që shkon deri në 50 mijë euro.

Në Itali shkon diçka më pak, në Angli shkon diçka më shumë, në SHBA edhe më shumë.

Minimalisht, Adriatik Lapajt i duhen rreth 200 mijë euro - 300 mijë euro për takimet jashtë, ndoshta edhe më shumë.

Këto shpenzime ngrenë dyshime se kush fshihet pas financave të lëvizjes “Shqipëria Bëhet”?

Ku i merr Lapaj fondet për të zhvilluar të gjitha këto takime elektorale, me një ekip prej 8 personash?

Kush e financon Adriatik Lapajn? Janë para krimi? Janë para droge? I japin simpatizantët? I japin anëtarët? I japin bizneset? Apo ia japin Erion Veliaj dhe pushteti?

Adriatik Lapaj mund të justifikohet duke thënë që ia japin mbështetësit, por ku i deklaron ai këto para? Partitë e tjera politike i deklarojnë në KQZ? Po Lapaj?

Ai duhet të përgjigjet për këto takime, por edhe për takimet e tjera në Shqipëri, të cilat i zhvillon nëpër salla, lokale dhe restorante.

Të gjitha këto takime përkthehen në shpenzime parash të dyshimta, pa një burim të saktë./ CNA





Lajmet e fundit nga