E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Përmbysje modeli/ Muçollari: Jo më kryetar Bashkie që braktis qytetin e abuzon për t’u bërë Kryeministër

13 Dhjetor 2024, 12:44, Politikë CNA

Përmbysje modeli/ Muçollari: Jo më kryetar Bashkie që

Anëtari i Kryesisë së Partisë Demokratike, Grigels Muçollari u shpreh në protestën e mbajtur sot para Bashkisë se kjo lëvizje e qytetarëve duhet të synojë dhe një rezultat tjetër, përveç dënimit të Veliajt, drejtësisë për shkeljet që ai ka bërë.

Sipas Muçollarit, është një model i përsëritur, abuziv që ndodh me Bashkinë e Tiranës, që duhet të marrë fund. Ai model, ku kryebashkiaku i zgjedhur për punët e qytetit, sapo vjen në detyrë, merret me planin e tij personal për të kapur partinë e për të marrë më pas gjithë pushtetin, duke aplikuar metoda korruptive.

“Eshtë shqetësues modeli që ka krijuar kjo godinë këtu prej dekadash tashmë. Kjo godinë, fut brenda një njeri që fiton besimin e qytetarëve, e më pas ky njeri, pa kaluar shumë kohë, të nesërmen mendon njjë plan se si do pasurohet nga paratë e korrupsionit dhe lejet e ndërtimit, apo se si të krijojë një shpurë të re, se si të sigurojë vota, dhe i rrit financiarisht njerezit e tij. Jo të nesërmen, por po atë ditë krijon raport me krimin e organizuar për të rritur pushtetin, mendon se si të blejë median e lirë, se si të korruptojë gjykatës e të marrë një sistem të tërë nën kontroll.

Vijnë këtu e ju gënjejnë, marrin para, fuqizohen për të marrë Shqipërinë. Model i përsëritur, i parë dhe i aplikuar nga Rama, i tentuar, dhe kjo dhe për fajin tonë, nga ish kryetari i PD, Basha.
Dhe më pas vjen ky individi këtu. E çfarë po bën? Po mundohet të qëndrojë medoemos në atë karrige sepse i është prishur plani i madh për të marrë partinë dhe më pas Shqipërinë. Unë mendoj se kemi mbaruar punë me Veliajn, ai është i dënuar tashmë, edhe nga presioni ynë, ai do dënohet.

Problemi jonë është të shkatërrojmë këtë model të ngritur, që merr votën për të zgjidh hallet e qytetit, trotuaret, shkollat, dhe i përdor paratë e qytetit, influencën, financat, në mënyrë abuzive për pushtetin e tij personal, për të marrë Shqipërinë. Kjo protestë, është shembulli më i mirë, për ta shkatërruar këtë model, në mënyrë që të kemi një kryebashkiak që bën punën për të cilën votohet, kujdeset për qytetin dhe qytetarët e Tiranës”, u shpreh Muçollari./ CNA