E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Pse u "çmend" Adriatik Lapaj?

15 Dhjetor 2024, 10:17, Politikë CNA

Adriatik Lapaj ka turfulluar pasi nuk po arrin dot të justifikojë shpenzimet marramendëse që kryen në takimet e tij në Diasporë.

Ai ka vërsulur të gjithë njerëzit për të gënjyer se takimet e tij i bën me 50 euro.

Takime në Diasporë me 50 euro?!/ Ku i dhemb e ku i djeg Adriatik Lapajt
15 Dhjetor, 09:44

Përmes një postimi në rrjetet sociale, ai thotë se po hedhin baltë mbi të dhe nuk do të ndalet me takimet e tij dhe nga ana tjetër kujdeset që të aktivizojë njerëz për të treguar se e mbështesin duke sulmuar CNA në rrjetet sociale.

Pse u "çmend" Adriatik Lapaj?

(Komentet ne rrjetet sociale të CNA)

Por në fakt Adriatik Lapaj nuk bën transparencë dhe t'u tregojë njerëzve se me çfarë parash i bën shpenzimet.

Pasi është e vështirë për t'u besuar se Adriatik Lapaj me 7 persona staf zhvillon takime në Evropë dhe Amerikë me 50 euro.

Pa përmendur këtu faktin se bileta për në Amerikë apo në Evropë me 50 euro nuk ekzistojnë vetëm në rast se biletat blihen shumë kohë përpara se të bësh udhëtimin.

Por le të lëmë mënjanë shpenzimet për biletat dhe të shkojmë më tej.

Lapaj deri më tani ka zhvilluar takime në Dusseldorf, Pisa, Torino, Perugia dhe së fundi në Miçigan.

Takimet elektorale me emigrantët kanë shpenzime të mëdha, duke nisur nga biletat e udhëtimit, hoteli ku akomodohen, salla ku organizohet takimi, fonia, billborder-at e shumë e shumë të tjera.

Pse Adriatik Lapaj nuk tregon sa ka shpenzuar për hotelet së bashku me stafin?

Pse Adriatik Lapaj nuk tregon se sa paguan për sallat e mëdha ku organizon takimet me emigrantët?

Kush e financon për të gjitha këto shpenzime marramendëse?

Ku i ka të deklaruara shpenzimet që bën për takimet e tij elektorale?

Kush e financon Adriatik Lapajn?
15 Dhjetor, 09:16

Ndaj në vend që të hedhë të gjithë mllefin e tij në rrjetet sociale dhe të vërsulë njerëzit, le të bëjë transparencë me shpenzimet që bën ai dhe stafi i tij në takimet elektorale./ CNA