web counter
LEXO PA REKLAMA!

SHKARKO APP

E fundit!

x

Protesta para Bashkisë/ "Shuplaka" e fortë për ndërkombëtarët: Ruani standardet

19 Prill 2024, 20:50, Aktualitet CNA

Protesta para Bashkisë/ "Shuplaka" e fortë për

Sot opozita, Aleanca për Mbrojtjen e Teatrit dhe qytetarët protestuan para Bashkisë Tiranë duke treguar zemërimin e tyre dhe duke kërkuar dorëheqjen dhe përballjen e Erion Veliajt me drejtësinë.

Ndërkombëtarët reaguan duke dënuar dhunën në protestë.

Por, drejtuesi politik i PD-së për Tiranën tregon se ndërkombëtarët nuk po ruajnë të njëjtin standard me Shqipërinë si me vendet e tjera të Europës kur protestojnë.

Këlliçi krahas një postimi me disa foto ku tregohet se si fermerët protestojnë para zyrës së BE në Bruksel, protestë e cila është mbajtur në 26 shkurt të 2024, jep mesazhin për ndërkombëtarët që duhet të pranojnë në Shqipëri të njëjtën formë proteste siç bëhet në vendet e tyre.

Ai thekson se Shqipëria nuk mund të trajtohet si një vend i botës së tretë.    

“Një përshëndetje për të gjithë qytetarët shqiptarë kudo janë dhe partnerët ndërkombëtarë, me foto nga protesta e fermerëve e zhvilluar vetëm 2 muaj më parë, më 26 shkurt 2024, në Bruksel, ngjitur me zyrat qendrore të Bashkimit Evropian.

Të gjithë ndërkombëtarët e veçanërisht evropianët, duhet të pranojnë në Shqipëri të njëjtin standard që pranojnë për vendet e tyre.

Ne NUK jemi dhe NUK mund të trajtohemi si një vend i botës së tretë!”, shkruan Këlliçi./ CNA





Lajmet e fundit nga