web counter
LEXO PA REKLAMA!

SHKARKO APP

App Store
Google Play

E fundit!

x

E Hëna e Madhe në Kishën Orthodhokse/ At Ilia Mazniku tregon rëndësinë e saj dhe historinë e Josifit

19 Prill 2024, 19:02, Aktualitet CNA
E Hëna e Madhe në Kishën Orthodhokse/ At Ilia Mazniku tregon

Sot fillon kremtimi zyrtar i Javës së Madhe dhe të Ndritshme të besimit, shpëtimtarit të Zotit tonë Jezu Krishtit.

Në këtë javë kremtohen dy ngjarje, ajo e Josifit të urtë dhe të tërmirë të Dhiatës së Vjetër dhe ngjarja e dytë kur bëhet fjalë për atë pjesë të Ungjillit kur Zoti ngjitej në Jeruzalem për posimin e tij shpëtimtar dhe aty thuhet se në një moment ai pati uri dhe kërkoi që të hante frute nga pema e fikut dhe mbasi pa që nuk kishte asnjë kokërr zoti e mallkoi dhe pema e fikut u tha menjëherë.

At Ilia Mazniku, klerik i Kryepsikoptaës së Tiranës, ka treguar se e gjithë shërbesa si ajo e mëngjesores ashtu dhe e mbrëmësores është e mbushur me himne fillon me himnin e bukur “Ja se ku vjen dhëndri në mes të natës” i cili është një himn që fton të gjithë besimtarët të përgatiten shpirtërisht për të kremtuar javën e Posimit e shpëtimtarit të Zotit tonë Jezu Krisht. I fton që të jenë mendjezgjuar dhe jo mendjefjetur, të përgatitin shpirtin e tyre me lutje, agjërime dhe me vepra të mira sipas porosive të Zotit.

Më tej ai ka treguar edhe historinë e Josifit.

Rrëfimi i At Ilia Maznikut

Kisha jonë e shenjtë Orthodhokse sot fillon kremtimin zyrtar të Javës së Madhe dhe të Ndritshme të besimit shpëtimtar të Zotit tonë Jezu Krisht.

Kjo javë fillon me të Hënën e Madhe të Shenjtë në të cilën ne kremtojmë dy ngjarje. Këto të dyja janë Josifi i urtë dhe i tërëmirë i Dhiatës së Vjetër dhe ngjarja e dytë bëhet fjalë për atë pjesë të Ungjillit kur Zoti ngjitej në Jeruzalem për posimin e tij shpëtimtar dhe aty thuhet se në një moment ai pati uri dhe kërkoi që të hante frute nga pema e fikut dhe mbasi pa që nuk kishte asnjë kokërr zoti e mallkoi dhe pema e fikut u tha menjëherë.

E gjithë shërbesa si ajo e mëngjesores ashtu dhe e mbrëmësores është e mbushur me himne fillon me himnin e bukur “Ja se ku vjen dhëndri në mes të natës” i cili është një himn që fton të gjithë besimtarët të përgatiten shpirtërisht për të kremtuar javën e Posimit e shpëtimtarit të Zotit tonë Jezu Krisht. I fton që të jenë mendjezgjuar dhe jo mendjefjetur, të përgatitin shpirtin e tyre me lutje, agjërime dhe me vepra të mira sipas porosive të Zotit.

Historia e Josifit është një histori shumë prekëse që tregon se si ky njeri kaq i bekuar, i biri i Jakovit për shkak se si ishte shumë i bekuar, besonte tek i ati, besonte me gjithë shpirt tek Perëndia, Zoti e kishte pajisur me shumë dhurata dhe cilësi të bekuara të cilat provokuan zilinë e vëllezërve të tij të cilët tentuan madje dhe që ta vrisnin por në një moment të caktuar ata nga frika se do tu rëndonte ndërgjegjia për vrasjen e vëllait të tyre e shitën si skllav për 20 monedha argjendi në Egjipt.

Atje vazhdoi vuajtja e Josifit, për shkak të pastërtisë së tij për shkak të ndershmërisë së tij ai nuk pranoi të binte në mëkat me gruan e Potifarit dhe kjo e bëri atë që të pësojë dhe një burg të padrejtë.

Por Zoti e nxorri dhe nga kjo dhimbja tundim dhe vuajtje për shkak të pastërtisë së tij dhe faraoni duke vlerësuar aftësinë e tij profetike për të njohur ëndrrën dhe për të shpjeguar dhe ëndrrat, dhe një nga këto ëndrra e kishte parë vetë faraoni dhe e paratha për fatkeqësinë e madhe, zinë e madhe që do të ndodhte në Egjipt për 7 vjet me radhë dhe kështu ai nga një skllav i shitur nga vëllezërit e tij u fronëzua nga hiri i Zotit si sundues, si sundimtar fuqiplotë i Egjiptit dhe jo vetëm kaq por u bë shkak që kur ndodhën vitet e zisë të kujdesej për të atin dhe vëllezërit e tij që dikur e kishin munduar dhe të penduar pranuan mëkatin e tye dhe Josifi i fali ata.

Jo më kot Kisha zgjedh historinë e Josifit se ka një analogji shumë të bukur të qartë me zotin shpëtimtarin tonë Jezu Krisht i cili erdhi dhe predikoi të vërtetat e perëndisë dhe vëllezërit judenj jo vetëm që nuk e pranuan por e lanë në mundime dhe vdekje deri në kryq. Por perëndia ditën e tretë e ringjalli.

Kjo është analogjia mes Josifit të Dhiatës së Vjetër dhe atit tonë Jezu Krisht./ CNA





Lajmet e fundit nga