web counter
LEXO PA REKLAMA!

SHKARKO APP

App Store
Google Play

Protesta e 11 Korrikut/ Berisha: Dita e betimit të madh të shqiptarëve

9 Korrik 2024, 20:44, Aktualitet CNA
Protesta e 11 Korrikut/ Berisha: Dita e betimit të madh të
Kreu i PD-së, Sali Berisha

Kreu i PD-së, Sali Berisha ka folur për protestën kombëtare që do të zhvillohet në 11 Korrik para Kryeministrisë.

Berisha e konsideron 11 Korrikun si ditën e betimit të madh të shqiptarëve.

Gjatë fjalës së tij në tubimin para banesës, Berisha tha se tashmë kanë mbetur vetëm 48 orë nga momenti i madhërishëm i popullit opozitar në të cilin shqiptarët do të bashkohen si kurrë më parë në sheshin dhe rrugët e Tiranës për për t’u ndarë nga e keqja më shkatërrimtare e kombit shqiptar në tërë historinë.

“48 orë na ndajnë nga momenti i madhërishëm i popullit opozitar.  11 korriku, ditë në të cilën shqiptarët do të bashkohen si kurrë më parë në sheshin dhe rrugët e Tiranës.

Ditë në të cilën shqiptarët do t’i provojnë vetes dhe njëri-tjetrit se ata janë të gatshëm, janë të vendosur.Se ata do betohen më 11 korrik për fitoren. Se ata do betohen për t’u rikthyer shqiptarëve votën e lirë. Do betohen për krijimin e qeverisë teknike. Do betohen se me Edi Ramën nuk ka zgjedhje. Do betohen se jetën e japin, por votën nuk e falin.

11 korriku është pra dita e betimit të madh të shqiptarëve.E betimit të tyre për t’u ndarë nga e keqja më shkatërrimtare e kombit shqiptar në tërë historinë.Një e keqe, e cila në 8 vite largoi nga ky vend rreth 40 përqind të kombit shqiptar.

Një e keqe në të cilën shqiptarët u varfëruan më shpejt, më papritmas, më befasishëm se kurrë ndonjëherë në jetën e tyre.Komunizmi ishte tirania e mjerimit, por iu deshën dekada që të triumfonte mbi shpirtin punëtor të shqiptarëve.

Kurse narkoshteti i Edi Ramës arriti brenda 8 viteve, 10 viteve të zhysë në uri, në një apo dy vakte ushqim në ditë, mbi 18 përqind të fëmijëve shqiptarë.Narkoshteti i pamëshirë i Edi Ramës ia doli që të zhysë me shpejtësi në uri 47 përqind të fëmijëve shqiptarë.

Ky narkoshtet barbar dhe i pamëshirë ndaj qenies së shqiptarëve, zbrazi dhe boshatisi Shqipërinë në 8 vite sa asnjë pushtim tjetër në historinë e saj”, tha Berisha./ CNA





Lajmet e fundit nga