web counter
LEXO PA REKLAMA!

SHKARKO APP

App Store
Google Play

E fundit!

x

SPAK sekuestroi hotelin luksoz të drejtorëve të Veliajt/ Këlliçi: Biznesi vijon punën normalisht

9 Korrik 2024, 17:41, Aktualitet CNA
SPAK sekuestroi hotelin luksoz të drejtorëve të Veliajt/
Drejtuesi politik i PD-së për Tiranën, Belind Këlliçi

Drejtuesi politik i PD-së për Tiranën, Belind Këlliçi ka deklaruar se pavarësisht sekuestrimit të hotelit luksoz në Durrës të drejtorëve të Veliajt, vijon puna normalisht.

I ftuar në emisionin “Task Forcë” me gazetaren Sonila Meço, Këlliçi tha se drejtorët e Veliajt kanë marrë statusin investitor strategjik nga Mirela Kumbaro në vitin 2023.

“Sot padiskutim në hotelin në Durrës ka vijuar puna si normalisht, kanë marrë statusin investitor strategjik nga Mirela Kumbaro në 2023. Biznesi i drejtorëve të Veliajt vijon punën”, tha ndër të tjera Këlliçi.

Më tej ai theksoi se Mariglen Qato ka një vilë në Hamallaj ndërsa ngre pikëpyetjet se si është e mundur që këto informacione i di opozita dhe jo SPAK-u.

“Qato ka vilën në Hamallaj. Si ka mundësi i dimë në këto dhe se di SPAK. Si mundet që nuk i gjejnë këto informacione”, u shpreh Këlliçi.

Ndër të tjera Këlliçi deklaroi se është rasti i vetëm në Shqipëri që Nestor Muhametllari është akuzuar për korrupsion aktiv dhe hetohet në gjendje të lirë.

Sipas Këlliçi, Nestor Muhametllari është çelësi i parave të Erion Veliajt.  

“Është rasti i vetëm në Shqipëri që Nestor Muhametllari është akuzuar për korrupsion aktiv dhe hetohet në gjendje të lirë. Ai është çelësi i parave të Erion Veliaj. Erion Veliaj nuk e dinte që ka një çetë hajdutësh që vjedh tendera publikë, vjedh 430 milionë euro me inceneratorin dhe nuk di asgjë”, është shprehur Këlliçi./ CNA





Lajmet e fundit nga