E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Problematikat nga moti i keq/ Si paraqitet situata në Qarkun e Shkodrës

20 Nëntor 2025, 08:21, Aktualitet CNA

Problematikat nga moti i keq/ Si paraqitet situata në Qarkun e

Prefektura e Shkodrës ka dhënë përditësime lidhur me situatën në zonat e prekura nga përmbytjet dhe moti i keq.

Në bashkinë e Fushë-Arrëzit raportohet se ka rrëshqitje dherash, gurësh dhe vërshime uji në rrugët rurale, duke vështirësuar qarkullimin. Gjithashtu bëhet me dije se ka ndërprerje të shkurtra të energjisë elektrike në disa fshatra.

Në Bashkinë e Pukës ka dëmtime në disa rrugë rurale në Njad Gjegjan dhe Luf-Qerret. Nivelet e lumenjve Buna, Drin, Kir, Gjadër dhe prurjet në përrenjtë kryesorë janë brenda kuotave. Në bashkitë e tjera të këtij qarku nuk raportohen problematika ndërsa bëhet me dije se është ulur dhe intensiteti i reshjeve të shiut.

Njoftimi i plotë për qarkun Shkodër:

1. Bashkia Shkodër

* Situata në territorin e kësaj bashkie paraqitet pa probleme.

* Reshjet kanë vijuar gjatë natës me intensitet mesatar, por deri tani nuk është evidentuar asnjë problem.

2. Bashkia Vau i Dejës

* Vijojnë reshjet e shiut me intensitet mesatar.

* Nuk raportohen probleme në përrenj, ura apo në rrjetin rrugor.

* Furnizimi me energji elektrike vijon normalisht.

3. Bashkia Malësi e Madhe

* Reshje me intensitet, gjatë 24 orëve të fundit ka pasur reshje shiu me intensitet të ulët.

* Nuk raportohen problematika të emergjencave civile.

4. Bashkia Fushë-Arrëz

* Vijojnë reshjet e shiut me intensitet mesatar.

* Ka rrëshqitje dherash, gurësh dhe vërshime uji në rrugët rurale, duke vështirësuar qarkullimin.

* Ka ndërprerje të shkurtra të energjisë elektrike në disa fshatra.

5. Bashkia Pukë

* Vijojnë reshje shiu me intensitet mesatar.

* Ka dëmtime në disa rrugë rurale në Njad Gjegjan dhe Luf-Qerret, rrëshqitje trupash në rrugë dhe shembje skarpatash.

6. DRV Shkodër

* Akset rrugore nacionale të administruara nga kjo drejtori paraqiten të kalueshme.

* Reshjet vijojnë, por nuk ka probleme me qarkullimin rrugor.

7. Druk Lezhë

* Reshjet kanë vijuar gjatë natës me intensitet mesatar.

* Nuk raportohen probleme në funksionimin e kanaleve të kullimit, argjinaturave, dhe digës së Rezervuarit të Shtodrit.

* Nivelet e lumenjve Buna, Drin, Kir, Gjadër dhe prurjet në përrenjtë kryesorë janë nën kuotat e riskut.

* Hidrovoret e Velipojës (Vilu dhe Cas) janë në gatishmëri dhe punojnë normalisht. /CNA