web counter
LEXO PA REKLAMA!

SHKARKO APP

App Store
Google Play

Plarent Ndreca presion Gjykatës Kushtetuese: Të lirojë me çdo kusht Erion Veliajn

20 Maj 2026, 22:05, Aktualitet CNA

Avokati i pandehur në GJKKO me akuzë nga SPAK-u, Plarent Ndreca ka ushtruar presion të hapur ndaj Gjykatës Kushtetuese dhe për më tepër i jep urdhër kësaj të fundit të lirojë me çdo kusht Erion Veliajn, kryebashkiakun e arrestuar të Tiranës me 13 akuza për 5 vepra të rënda penale.

Jo vetëm e urdhëron por e kërcënon Gjykatën Kushtetuese, se nëse e rrëzon kërkesën do ta çojë në Strasburg.

Gjykata Kushtetuese në vendimin e parë nuk ka deklaruar se Erion Veliaj duhet të lirohet por përkundrazi ka thënë se funksioni i kryetarit të bashkisë vazhdon të ushtrohet përmes delegimit të firmës.

Erion Veliaj e ka deleguar firmën, del apo jo ai nga burgu, është një tjetër njeri i deleguar. Erion Veliaj nuk është në burg për qejf por është në burg pasi ka kryer vepra të rënda penale dhe prish provat.

Ky kërcënim i avokatit të pandehur në GJKKO me akuzë nga SPAK-u Plarent Ndreca bëhet në kuadër të presioneve të vazhdueshme që ushtrohen ndaj sistemit të drejtësisë, Gjykatës Kushtetuese, Gjykatës së Lartë, SPAK-ut, GJKKO-së me sulmet, me raporte, me shantazhe dhe ky është rasti konkret.

Del avokati i një të pandehuri dhe thotë “Gjykata Kushtetuese duhet ta lirojë Erion Veliajn”.

Po tani çfarë duhet të ndodhë, të dalë prokurori dhe të thotë “Jo Gjykata Kushtetuese nuk duhet ta lirojë Erion Veliajn”, t’i bëjë presion gjykatës nga ana tjetër?

Kjo është një dhunë e vazhdueshme, e pandalshme ndaj sistemit të drejtësisë me shkrime, qëndrime dhe me dalje publike.

Një presion për të liruar një njeri me 13 akuza për 5 vepra të rënda penale. Gjykata Kushtetuese do të tregonte se nuk do të ishte asgjë më shumë se sa një letër higjienike nëse do të zbatonte urdhrat e një të pandehuri si Plarent Ndreca.

Gjykata Kushtetuese nuk ka gjyqtar Plarent Ndrecën, ai është një i pandehur në GJKKO me akuzë nga SPAK.

Ky veprim është një presion i hapur. Ndoshta i duket vetja kryetar i Gjykatës Kushtetuese, kryetari i Gjykatës së Lartë, gjyqtar i GJKKO-së, prokuror, ndoshta me daljen e tij, Plarent Ndreca mendon se i bën të gjitha rolet, por ky është thjesht dhe vetëm një presion dhe një shantazh i hapur ndaj drejtësisë.

Organizatat ndërkombëtare, ambasadat, çdo institucion duhet ta monitorojë këtë rast, se e ka të faktuar, se si po ushtrohet presion i vazhdueshëm dhe dhunë psikologjike ndaj gjykatave dhe drejtësisë për të bërë punën e saj.

Deri dje kërkohej që gjykata të vendosë në qetësi, pa presion tani ditë pas dite kemi shkrime, sulme, shantazhe, presione ndaj prokurorëve, gjyqtarëve dhe këtë e bën publikisht dhe i pandehuri në GJKKO me akuzë nga SPAK-u që është avokati i të pandehurit tjetër me 13 akuza të rënda penale./ CNA

 





Lajmet e fundit nga