web counter
LEXO PA REKLAMA!

SHKARKO APP

App Store
Google Play

E fundit!

x

Pastrimi i Liqenit të Fierzës/ Baumann: Në dy javë janë hequr mbi 30 tonë mbetje

29 Maj 2024, 19:40, Aktualitet CNA

Liqeni i Fierzës edhe pse mban statusin zonë e mbrojtur thuajse çdo vit përballet me problematikën e mbetjeve urbane, që veç mungesës së ndërgjegjësimit të banorëve të zonës dhe vizitorëve, depozitohen edhe nga prurjet e lumenjëve. Prej disa javësh ka nisur një aksion i gjerë që synon pastirmin e plotë të liqenit.

Në një intervistë për CNA TV me gazetarin Enea Meksi, Eksperti i Ekonomisë Qarkulluese, njëkohësisht themelues dhe drejtor ekzekutiv i “Recycling Albana”, Lulzim Baumann, ka dhënë detaje lidhur me bashkëpunimin me një kompani gjermane që ka bërë të mundur sjelljen e një varke që bën të mundur pastrimin me kapacitet të lartë.

“Fatkeqsisht prej shumë vitesh Liqeni i Fierzës po përballet me ndotje masive, kryesisht plastika që duket edhe në sipërfaqe dhe problem është që vit pas viti akumulohen dhe sasia është në rritje në momentin që nuk mund të ndërmarrim aksione masive. Kemi sjellë një varkë nga Gjermania që ka kapacitet të lartë pastrues, ndryshe Liqeni I Fierzës nuk mund të pastrohet. Kjo është hera e parë që ne synojmë me këtë projekt me të gjithë aktorët që po bashkëpunojmë të nivelit lokal, qëndror dhe aktorë ndërkombëtarë që Liqeni I Fierzës të pastrohet një herë e përgjithmonë"

Baumann foli edhe për sasinë e mbetjeve të grumbulluara në një ditë

“Janë tre deri në pesë varka në ditë me përllogaritje nga 500 deri në 700 kilogramë mbetje secila, mund të them se janë afërsisht 3.5 ton mbetje në ditë që heqim nga liqeni dhe deri më tani që nga nisja e kasionit janë më shumë se 30 ton mbetje.”

Ndër të tjera Baumann teksa ka kërkuar sensibilizim për ruajtjen e këtij aseti natyror të Shqipërisë dhe ka bërë thirrje për pjeswmarrje vullnetare për pastrimin./ CNA





Lajmet e fundit nga