web counter
LEXO PA REKLAMA!

SHKARKO APP

App Store
Google Play

Çollaku: Zyrtarëve të lartë të oborrit të Kryeministrisë u janë sekuestruar pajisjet

17 Mars 2025, 20:55, Aktualitet CNA

 Çollaku: Zyrtarëve të lartë të oborrit të

Gazetari Basir Çollaku i ftuar në emisioni Task Forcë në Syri Tv ka thënë se disa zyrtarëve pranë kryeministrit u janë sekuestruar pajisjet elektronike.

Shkak për sekustrimin thotë Çollaku është hetimi për ndikimin që këta zyrtarë kanë tentuar të kenë në disa institucione të drejtësisë.

Gazetari u shpreh se pavarësisht posteve, porositë e marra janë të gjitha nga kryeministri.

“Klotilda Bushka në këtë rast është Edi Rama, porositë e marra prej tyre janë të kryeministrit, pavarësisht se kush është në postin përkatës. Përveç kësaj, besoj se duhet të jenë në hetim dhe në prag të marrjes të pandehur ose mund të jenë marrë, qoftë Bushka, qoftë Llagami, për ushtrim të ndikimit të paligjshëm, së paku si akuzë, sepse hetimet për ndikimin në drejtësi, si këtu kemi dhënë shpeshherë, për nepotizmin në lidhje me BKH-në, për të gjithë familjarët që janë nga KLGJ-ja, KLP-ja, SPAK-u, të gjitha institucionet e drejtësisë, kanë çuar familjarët e tyre në Byronë Kombëtare të Hetimit. Një përqindje e lartë, e konsiderueshme, tregon se besueshmëria e hetimeve dhe cilësia e tyre ndikohet ndjeshëm.

Përveç kësaj, ka edhe zyrtarë të tjerë, deputetë, apo në oborrin e kryeministrit, zyrtarë shumë të rëndësishëm, të cilëve u janë sekuestruar pajisjet elektronike, në këtë rast kompjuterët, për të hetuar ndikimin e paligjshëm në këto institucione dhe përpjekjet e tyre për të zhbërë këto institucione, për t’i kapur në mënyrën më të duhur të mundshme. Jo se nuk kanë ndikim—ndikim kanë pasur me shumicë dhe kanë akoma. Hetimi është i thelluar, nga njerëz me emra të cilët mund të kërkohen dhe imunitete gradualisht, ose veprime të tjera, sepse më duket se shpërndarja e parlamentit ka sjellë pasoja të zbutura juridike për veprime, por janë edhe njerëz të rëndësishëm të marrë me reformën, që kanë qenë eminencat e kryeministrit, që kanë draftuar këtë reformë, kanë ndikuar në këtë reformë. Se duhet hetuar në kompleks”, tha Çollaku./ CNA





Lajmet e fundit nga