Gjergj Luca: “Me bukë në trajsë” do t’u shkoj mbrapa të gjithë zagarëve të mediave që vënë gjoba

17 Mars 2025, 20:33, Aktualitet CNA

Gjergj Luca: “Me bukë në trajsë” do t’u shkoj

Sipërmarrësi dhe biznesmeni i njohur, Gjergj Luca me anë të një video në rrjetet sociale ka denoncuar rastin e një medie në Shqipëri, e cila figuron e regjistruar në Arizona të Amerikës dhe vendos gjoba thotë Luca.

Në videon e publikuar nga Luca vihet re se bëhet fjalë për portalin Pamfleti.net. Luca shprehet në video se kjo media ka shpifur ndaj tij dhe do ta denoncojë si rast në Departamentin e Shtetit.

““Me bukë në trajse” do t’u shkoj mbrapa të gjithë zagarëve të mediave që vënë gjoba. Jam në Amerikë, dokumenti i AKEP thotë që domain e ka të regjistruar jashtë. Nga portale më gjobëvënse, më llum, më zagarë të këtij vendi, që mua personalisht ma ka nxirë jetën dhe më ka degjeneruar në të gjithë klientët japonezë dhe amerikanë, që është dashur të çoj shpjegime për artikujt e një plehu, që kam 35 vite që kontribuoj për ekonominë shqiptare, portalin e ka të regjistruar në Arizona të Amerikës.

Nga Boston ku jam do shkoj në Arizona, në Departamentin e Shteti për t’u ankuar për këtë zagar. Imagjinoni ju, këta plehra regjistrohen nëpër qytete të Amerikës për të sharë Shqipërinë. Imagjinoni sikur amerikanët të regjistroheshin në Shqiopëri për të sharë Donald Trump. Këto janë pisllëqe, janë maskarallëqe, që duhet të marrin fund në atë vend. Turp për ju dhe turp për opinionin publik që nuk mban qëndrim për këta plehra” shprehet Luca.

Krahas video së publikuar, Gjergj Luca shkruan se do t’i shkojë sderi në fund demaskimit të kësaj medie dhe do të vazhdojë t’i çjerrë maskën.

“E zbulova më në fund, portali më gjobvënës i Shqipërisë është regjistruar në Amerikë. Sulmon, shpif e gjobit shqiptarët e ndershëm dhe kur e padisin në gjykatat shqiptare këto të fundit justifikohen duke aluduar se "është regjistruar në Amerikë" dhe nuk kemi çfarë ti bëjmë...

Nëse ndonjë biznesmen tjetër ka frikë dhe tërhiqet unë po i shkoj deri në fund demaskimit, e kam kallëzuar në SPAK dhe pres të ballafaqohet me mua ndërkohë po vazhdoj t'ia çjerr maskën e fëlliqur të shpifjeve”, shkruan biznesmeni Luca./ CNA