E fundit!

17:40 Aktualitet

"E ka fituar dhe një prej kumbarëve të qeverisë në takimin e Arubës"/ Këlliçi: Të anulohet procedura për Milot–Balldren

Nënkryetari i Partisë Demokratike, Belind Këlliçi është sh...

E shkarkuar në vitin 2022/ KPA rikthen në detyrë prokuroren e Fierit

17 Mars 2025, 12:50, Aktualitet CNA

E shkarkuar në vitin 2022/ KPA rikthen në detyrë prokuroren e

Vetingu i Kolegjit të Posaçëm të Apelimit ka kundërshuar vendimin e Shkallës së Parë të Komisionit të Pavarur të Kualifikimit dhe ka rikthyer në detyrë prokuroren e Fierit, Violeta Shkurta. Shkurta u shkarkua në vitin 2022 për shkak të problemeve me pasurinë.

Trupi gjykues i Kolegjit të Posaçëm të Apelimit, i përbërë nga Sokol Çomo kryesues, Mimoza Tasi relatore, Albana Shtylla, Ina Rama, Natasha Mulaj anëtare, shpalli sot (17 mars) vendimin për çështjen nr. 22/2022, datë 09.05.2022, që i përket ankimit të subjektit të rivlerësimit Violeta Shkurta kundër vendimit të Komisionit të Pavarur të Kualifikimit nr. 514, datë 28.02.2022.

“Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “b” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, me shumicë votash, vendosi: Ndryshimin e vendimit nr. 514, datë 28.02.2022 të Komisionit të Pavarur të Kualifikimit dhe konfirmimin në detyrë të subjektit të rivlerësimit Violeta Shkurta. Ky vendim është përfundimtar dhe ka efekt të menjëhershëm. U shpall në Tiranë, më datë 13.03.2025",- thuhet në vendimin e KPA-së./CNA