LEXO PA REKLAMA!

SHKARKO APP

Sulmoi kryetarin e PD-së/ Dy akuzat që rëndojnë mbi Gerti Shehun

7 Dhjetor 2022, 12:22, Aktualitet CNA

Sulmoi kryetarin e PD-së/ Dy akuzat që rëndojnë mbi Gerti

Pas ngjarjes së djeshme, dy akuza janë ngritur për 31-vjeçarin Gerti Shehu, i cili sulmoi dje ish-kryeministrin Sali Berisha.

Gazetarja Klodiana Lala raportoi se policia i ka komunikuar zyrtarisht akuzat ndaj tij për dy vepra penale, “goditje për shkak të detyrës” dhe “plagosje të lehtë me dashje”.

Për këtë pritet të kryhet një ekspertizë.

Kjo çështje është marrë në duar nga seksioni kundër krimeve ndaj jetës nga agjentët e policisë së Tiranës.
Mbrëmë janë marrë dëshmitë e personave që kanë qenë të pranishëm. Janë sekuestruar pamjet e kamerave të sigurisë në zonë, ku rezulton se ai ka dalë nga xhamia para se të godiste Berishën.

Janë marrë në pyetje dhe dy pjesëtarë të grupit të shoqërimit të Berishës, të cilët kanë thënë se e goditën të riun për shkak të situatës së krijuar. Nën urdhrat e prokurorit Dritan Nushi, do të merren në pyetje dhe besimtarë të xhamisë që frekuentonte Gerti Shehu për të zbuluar më shumë për sjelljen e tij”, raportoi Lala./CNA.al

Lajmet e fundit nga