web counter
LEXO PA REKLAMA!

SHKARKO APP

App Store
Google Play

E fundit!

x

Këshilli i Ambasadorëve Shqiptarë dënon aktin "burracak" ndaj Berishës/ Apel institucioneve: Hetoni rastin

7 Dhjetor 2022, 12:00, Aktualitet CNA
Këshilli i Ambasadorëve Shqiptarë dënon aktin
Këshilli i Ambasadorëve Shqiptarë

Këshilli i Ambasadorëve Shqiptarë ka dënuar aktin kriminal që ndodhi dje në Tiranë.

Përmes një postimi në rrjetet sociale, KASH shprehet se ai ishte një akt burracak kundrejt ish-presidentit, ish-kryeministrit, Sali Berisha.

Më tej KASH u ka bërë thirrje institucioneve shtetërore e qeveritare, përfshi Presidentin e Republikës, që jo vetëm të dënojnë aktin dhe të kërkojnë zbardhjen e tij, por më së pari të dënojnë gjuhën e urrejtjes që eksponentë të lartë të qeverisë përdorin rëndom kundër opozitës.

Deklarata:

Tiranë, 6 Dhjetor 2022

Këshilli i Ambasadorëve Shqiptarë (KASH) dënon me ashpërsinë më të madhe aktin e dhunshëm e burracak kundër liderit të opozitës, z.Sali Berisha, ish President dhe ish Kryeministër i vendit, gjatë protestës së sotme të opozitës.

KASH u bën thirrje institucioneve shtetërore e qeveritare, përfshi Presidentin e Republikës, që jo vetëm të dënojnë aktin dhe të kërkojnë zbardhjen e tij, por më së pari të dënojnë gjuhën e urrejtjes që eksponentë të lartë të qeverisë përdorin rëndom kundër opozitës, e veçanërisht gjuhën e përdorur në ditët që paraprinë këtë akt të shëmtuar, kundër ushtrimit të një të drejte legjitime e kushtetuese, sikundër ishte protesta popullore e 6 Dhjetorit.

KASH i bën thirrje edhe trupës diplomatike të ngrihet në lartësinë e pritshmërive të popullit shqiptar dhe ta dënojë dhe ajo këtë gjuhë që nxit urrejtje dhe ndasi në vend./CNA.al





Lajmet e fundit nga