web counter
LEXO PA REKLAMA!

SHKARKO APP

App Store
Google Play

“Agresori i Berishës është paguar”/ Arjan Hoxha dyshon për një sulm të planifikuar

7 Dhjetor 2022, 11:04, Aktualitet CNA

“Agresori i Berishës është paguar”/ Arjan Hoxha

Arjan Hoxha, kandidat i PD-së për Bashkinë Kamëz ka komentuar sulmin e ndodhur një ditë më parë ndaj kreut të PD-së, Sali Berisha.

Në studion e "MCN Live" ai ka thënë se nuk e beson versionin se 31-vjeçari të ketë probleme të shëndetit mendor dhe se objektivi duket mjaft i qartë për qëllimet e tij.

Sipas tij, Shehu ka planifikuar të gjithë skenën.

“Mua më bën përshtypje më shumë agresori që ka një qëllim të stabilizuar në mendjen e tij për të arritur qëllimin e tij, vepron i sigurtë dhe shfrytëzon momentin.

Jam skeptik, do mendoja se ai nuk ka probleme mendore. Ai del nga shtëpia, shkon në xhami, kujdeset të mos ketë kontakte me njerëz, s’ka telefon me vete dhe shkon për të arritur qëllimin e tij që të godasë kreun e PD-së. Një njeri që ka probleme me shëndetin mendor, do e kishte shumë më të lehtë të konfliktohej me personin që e pengon dhe jo personi që s’ka asnjë kontakt me të. Ai kishte një qëllim, një mision dhe ishte i sigurtë në vetvete për ta kryer atë. Kujdeset të mos ketë me vete telefon, mjet identifikimi, pra ai i ka planifikuar veprimet e tij. Një tjetër dyshim, kushtet e tij ekonomike familjare duken se janë të vështira, pse duhet të shkonte ky njeri te një mjek privat dhe të merrte një raport sepse për mua nuk është kartelë. Ai ka ndërgjegjen e plotë për të vepruar dhe ka një leje drejtimi që do të thotë se është i aftë, them se është i paguar”, është shprehur Hoxha.





Lajmet e fundit nga