web counter
LEXO PA REKLAMA!

SHKARKO APP

App Store
Google Play

E fundit!

x

“Sulmoi” Berishën/ Gjykata e Posaçme zëvendëson avokatin Artan Simoni

25 Tetor 2023, 19:44, Aktualitet CNA
“Sulmoi” Berishën/ Gjykata e Posaçme
Avokati, Artan Simoni

Avokati, Artan Simoni nuk do të përfaqësojë ish-kryeministrin Sali Berisha.

Kjo gjë u bë e ditur pasditen e së enjtes.

Prokurorët kanë vendosur që të ndërrrohet avokati pasi doli lajmi se dy ditë më parë ai ka sulmuar ish-kryeministrin në rrjetet sociale.

Ishte djali i Berishës, Shkëlzeni ai i cili ndau në rrjetet sociale postimin e bërë nga avokati Simoni ku shkruhej: “Bisha është plakur, bisha është lodhur, bisha s’mundet më.

Shumë prej atyre që dikur bisha mbante mbi kurriz, pas kurrizit kanë filluar të çukasin. Ku gaboi bisha?

Shkëlzen Berisha me ironi u shpreh se do të kishte sugjeruar më mirë Taulant Ballën për të bërë avokatin e Berishës, se e njeh dhe dosjen.

Akuzat mbi ish-kryeministrin Sali Berisha

Berisha dyshohet se ka konsumuar veprën penale të “Korrupsionit pasiv të funksionarëve të lartë shtetërorë ose të zgjedhurve vendorë”, kryer në bashkëpunim me dhëndrin e tij, Jamarbër Malltezin.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit "Partizani" dhe përfitues i drejtpërdrejtë ka qenë Malltezi.

Në tokën e ish-kompleksit "Partizani", Malltezi në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro./ CNA





Lajmet e fundit nga