web counter
LEXO PA REKLAMA!

SHKARKO APP

App Store
Google Play

E fundit!

x

Numri i makinave në Shqipëri arrin në 1.05 milionë, një në tre shqiptarë me veturë

21 Korrik 2026, 15:11, Aktualitet CNA

Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti në 1.048.092 mjete, duke shënuar një rritje prej 9,3 %, krahasuar me vitin 2024.

Autoveturat përbëjnë 80,8 % të totalit të mjeteve rrugore.

Numri i autoveturave për 1.000 banorë u rrit në 361, nga 326 në vitin 2024. Një shqiptar ka më shumë se 1 veturë.

Sipas qarqeve, Tirana ka numrin më të madh të mjeteve rrugore, duke përbërë 34,7 % të totalit, i ndjekur nga Durrësi (13,6 %) dhe Fieri (9,1 %).

Qarku i Durrësit ka nivelin më të lartë të motorizimit në vend, me 535 autovetura për 1.000 banorë.

Pjesa më e madhe e mjeteve që qarkullojnë në rrugë janë të vjetra. Autoveturat me moshë 11–20 vjet përbëjnë 45,7 % të autoveturave gjithsej.

Mjetet me kambio manuale përbëjnë 55,9 % të totalit të mjeteve rrugore.
Mjetet e prodhuara gjatë periudhës 2000–2010 përbëjnë 55,3 % të totalit të mjeteve rrugore.

Markat më të përhapura, mbizotëron Volkswagen

Marka Volkswagen është më e përhapura ndër autoveturat në vend, me 19,7 % të totalit, e ndjekur nga Mercedes-Benz me 18,1 %.

Lënda djegëse, dominon nafta, por pothuajse dyfishohen makinat elektrike

Nafta mbetet lënda djegëse dominuese për autoveturat në vitin 2025, duke përbërë 72,1 % të totalit. Por vitet e fundit ka rritje të mjeteve elektrike. Numri i autoveturave elektrike u rrit me 91,2 %, krahasuar me vitin 2024./Monitor 





Lajmet e fundit nga