web counter
LEXO PA REKLAMA!

SHKARKO APP

App Store
Google Play

E fundit!

x

Një i plagosur me armë në Vlorë/ “Zgjohet” policia, zbardh ngjarjen 

27 Qershor 2023, 12:45, Aktualitet CNA

Një i plagosur me armë në Vlorë/ “Zgjohet”

Policia e Shtetit ka dalë me një version zyrtar në lidhje me ngjarjen e ndodhur në ditë më parë në Vlorë ku mbeti i plagosur një 33-vjeçar.

Bëhet me dije se konflikti ka nisur për motive të dobëta dhe se 3 autorët janë në kërkim nga uniformat blu.

Ndërkohë ky njoftim vjen një ditë pas ngjarjes rreth së cilës dje u dhanë dy versione.

Njëherë mediat raportuan se pati një viktimë gjë që nuk ishte e vërtetë për të kaluar më pas në versionin e të plagosurit.

E gjitha kjo në mungesë të njoftimi zyrtar nga ana e Policisë për një ngjarje për motive të dobëta.

Njoftimi i Policisë mbi ngjarjen

Vlorë/Zbardhet ngjarja e ndodhur ditën e djeshme, në ambientet e një lokali në qytet, ku për motive të dobëta, u tentua të vritet me armë zjarri një 33-vjeçar, i cili mbeti i plagosur.

Vijon puna për kapjen e 3 shtetasve të cilët nga veprimet e shpejta hetimore, u identifikuan si bashkëpunëtorë të dyshuar për këtë tentativë për vrasje.

Procedohet penalisht administratori i lokalit ku ndodhi ngjarja, pasi u konstatua se në këtë ambient organizoheshin lojëra fati, në kundërshtim me ligjin. Sekuestrohen sende që i shërbenin organizimit të këtyre lojërave.

Si rezultat i punës intensive hetimore, tejet profesionale, të bërë në një kohë rekord, nga shërbimet e Drejtorisë Vendore të Policisë Vlorë, në bashkëpunim me ato të Komisariatit të Policisë Vlorë, me qëllim zbardhjen dhe dokumentimin me prova ligjore të ngjarjes së ndodhur ditën e djeshme, në ambientet e një lokali në qytet, ku për motive të dobëta, u plagos me armë zjarri një 33-vjeçar, u bë i mundur identifikimi dhe shpallja në kërkim e autorëve të dyshuar të këtij rasti, për veprat penale “Vrasja me dashje”, mbetur në tentativë, kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit, konkretisht e shtetasve:

E. H., alias B. B., 41 vjeç, banues në Sherishtë;

N. Xh., 28 vjeç, banues në Vlorë;

E. O., 27 vjeç, banues në Vlorë.

Nga veprimet hetimore të kryera dyshohet së këta 3 shtetas, në bashkëpunim me njëri-tjetrin, në ambientet e një lokali të administruar nga shtetasi K. L, në lagjen “Pavarësia 3”, kanë tentuar të vrasin me armë zjarri, për motive të dobëta, shtetasin T. R (H), 33 vjeç, banues në Vlorë, i cili për pasojë ka mbetur i dëmtuar në gjymtyrët e poshtme të tij.

Gjatë këqyrjes së vendit të ngjarjes, u gjetën dhe u sekuestruan në cilësinë e provës materiale, 4 gëzhoja arme zjarri dhe 1 fishek luftarak me kapsollë të padëmtuar, të cilat u dërguan në Institutin e Policisë Shkencore, për kryerjen e ekzaminimeve të mëtejshme./ CNA





Lajmet e fundit nga