web counter
LEXO PA REKLAMA!

SHKARKO APP

App Store
Google Play

E fundit!

x

Nisin universitetet/ Kumbaro nga Shkodra: Rreth 20 mijë studentë ulen për herë të parë në auditorë

6 Tetor 2025, 11:49, Aktualitet CNA

Nisin universitetet/ Kumbaro nga Shkodra: Rreth 20 mijë studentë ulen

Ministrja e Arsimit, Mirela Kumbaro, ishte në universitetin "Luigj Gurakuqi" në nisje të vitit të ri akademik. Në intervistën e dhënë për mediat, Kumbaro tha se janë rreth 20 mijë studentë në të gjithë Shqipërinë që ulen për herë të parë në auditore.

 

"Është një datë e rëndësishme, sidomos për ato që janë ulur për herë të parë në auditore. Ende vazhdojnë regjistrimet, deri më tani janë rreth 20 mijë studentë që janë regjistruar për herë të parë. Jemi sot për të uruar nga Shkodra të gjithë Shqipërinë, pasi është një vit i rëndësishëm sepse kemi më shumë mbështetje për kërkimet shkencore. Kapitujt e arsimit janë thuajse drejt mbylljes. Padyshim teknologjia, inteligjenca artificiale janë vëmendja jonë.

Zhvillimi ekonomik e social i 20 viteve të fundit ka bërë që edhe arsimi të ndryshojë, t'i përshtatet ritmit. Kam mbështetjen e te gjithë rektorëve për rishikimin e kuadrit ligjor të arsimit të lartë. Shqipëria 2025 është Shqipëria europiane, na ndajnë vetëm 2 vite nga data e caktuar për mbylljen e negociatave dhe të gjitha ciklet universitare e parauniversitare do t'i përgjigjen kuadrit.
Nuk i shoh gjërat e ndara, kampuset do të vazhdojnë me qëllim rritjen e cilësisë. Shkodra mendoj që së shpejti do të ketë lajme të reja sa i takon arsimit", tha Kumbaro.

Në universitetin e Shkodrës janë regjistruar rreth 870 studentë, shifër e cila është thuajse e njëjtë me vitet e shkuara. Kumbaro tha se do të rishikojë ligjin e ri të arsimit për ta përmirësuar kuadrin ligjor në përputhje edhe me rekomandinet e kapitujve të hapur për arsimin nga BE./CNA





Lajmet e fundit nga