web counter
LEXO PA REKLAMA!

SHKARKO APP

App Store
Google Play

Ngjela: Nëse deri në shkurt nuk ka zhvillime nga SPAK-u, do të kemi një vit breshke

11 Janar 2023, 21:23, Aktualitet CNA
Ngjela: Nëse deri në shkurt nuk ka zhvillime nga SPAK-u, do të
Avokati Spartak Ngjela

Për avokatin Spartak Ngjela, nëse nuk do të kemi zhvillime nga SPAK deri në datën 10 shkurt, atëherë drejtësia nuk do ta godasë korrupsionin dhe krimin përgjatë vitit.

Sipas tij, shenjat e nisjes së procesit penal tregohen gjithmonë nga data 25 janar deri më 10 shkurt.

Ai deklaroi në një intervistë me gazetaren Ola Bruko se nëse nuk ka zhvillime në këto data, atëherë nuk do të ketë gjatë gjithë vitit.

“Çdo qeveri bën analizat e veta, se gënjejnë apo thonë të vërtetën duhet thënë nga pushteti. Një bandë dhe një shtet i pakontrolluar, vidhen. Si do t’i kapim ata? Kemi nxjerrë SPAK. Se këto prokuroritë e tjera. Edhe për SPAK kanë thënë se ka shenja dobësimi, pra s’kemi gjë në vijë. Tani në dorë e ka kreu i ri. Nëse deri në datë 25 janar-10 shkurt, nuk kemi shenja, viti do të jetë breshkë, që nuk lëviz. Unë e kam eksperiencën e tillë. Nga data 25 janar deri më 10 shkurt, pres shenja. Po nuk pati shenja, breshka po rri në zhguallin e saj. Skam pse përmend emra, të marrin njerëz normal.

Gjithë Shqipëria e di që ka pasur korrupsion, por s’ka pasur goditje penale. Kjo është pyetja, do ketë goditje penale. Po pati do të thotë se ka nisur procesi penal për korrupsionin e lartë me afatin që thashë. Nëse nuk do ketë në këto data, nuk do të ketë gjithë vitin. Kur fillon çështja penale është indicia. Nuk e patë që u thirr Mediu, s’dihet gjë pse u thirr dhe për çfarë u pyet. Kur merret si i pandehur, fillon çështja penale”, theksoi ai./ B.A. – CNA.al





Lajmet e fundit nga