Arrestimi i Gjokutajt/ Paralajmëron Artan Hoxha: Mbani frymën njerëz, s’keni parë gjë akoma

11 Janar 2023, 18:23, Aktualitet CNA

Arrestimi i Gjokutajt/ Paralajmëron Artan Hoxha: Mbani frymën

Gazetari Artan Hoxha

Gazetari Artan Hoxha ka reaguar për arrestimin e Sekretarit të Përgjithshëm të Ministrisë së Financave, Arlind Gjokutaj, drejtorit të personelit Fatmir Hoxha dhe përmbaruesi Alban Ruli, të cilët akuzohen se kanë ndihmuar një biznesmen të përfitojë nga të mëdha nga rimbursimi.

Me anë të një sttausi në rrjete sociale, Hoxha thotë se njerëzit duhet të mbajnë frymën, ndërsa paralajmëron s nuk kanë parë asnjë akoma.

Ai deklaron se arrestimet e sotme tregojnë se 2023-shi ka nisur me këmbë të mbarë dhe plot “bereqet”.

Skema/ Si përfitoi biznesmeni nga rimbursimet, provat që grumbulloi Prokuroria për zyrtarët dhe përmbaruesin
11 Janar, 17:44

“Mbani frymën njerëz…

Sapo u arrestua Sekretari i Përgjithshem i Ministrisë së Financave, Arlind Gjokutaj.

Policia e Shtetit ka ekzekutuar një vendim të gjykatës për zyrtarin e lartë të Ministrisë së Financave.

Gjokutaj akuzohet se është përfshirë në një aferë që i ka shkaktuar shtetit një dëm prej 1.5 miliardë lekësh…

Arlind Gjokutaj, ka lindur në Gjirokastër në vitin 1981.

Është i martuar dhe ka dy fëmijë.

Ai ka kryer studimet për Administrim Biznesi në Universitetin “Bocconi” në Milano, si dhe ka përfunduar studimet master për Financë dhe Menaxhim Risku në Universitetin “Bicocca” në Milano. Është anëtar i Trupës së Nivelit të Lartë Drejtues (TND) që nga muaji janar 2016.

Arrestimi i Arlind Gjokutajt, përmbaruesit dhe drejtorit/ Prokuroria zbardh detajet, si shpërdoruan detyrën
11 Janar, 17:19

Gjokuta e ka nisur karrierën në sektorin publik si ekspert i çështjeve fiskale dhe monetare në Bankën e Shqipërisë. Më pas ka ushtruar disa detyra në administraten publike, si Koordinator i Posaçëm për ekonominë pranë Këshillit të Ministrave (2015-2017), Drejtor i Përgjithshëm i Drejtorisë së Parandalimit të Pastrimit të Parave(2017-2019), Drejtor i Përgjithshëm i Doganave (2019) dhe Drejtor i Përgjithshëm i Njësisë Speciale Antikorrupsion dhe Antievazion (2020-2021).

Në Tetor 2021, Gjokutaj u emërua Sekretar i Përgjithshëm në Ministrinë e Financave dhe të Ekonomisë.

Mesa duket muaji janar 2023, ka nisur me këmbë të mbarë dhe plot “bereqet”…

Më duket se nuk kemi parë gjë akoma…”, thekson gazetari./ B.A. – CNA.al