web counter
LEXO PA REKLAMA!

SHKARKO APP

App Store
Google Play

Ndodh në "Top"/ Kur servilizmi kalon neverinë

19 Janar 2024, 11:20, Aktualitet CNA
Ndodh në "Top"/ Kur servilizmi kalon neverinë
Foto ilustruese, "Top Channel"

"Top Channel", televizioni ortak me inceneratorët, teksa përpiqet të pasqyrojë se sa e mirë është marrëveshja e Shqipërisë me Italinë për emigrantët, duke u munduar t’i serviloset qeverisë, ngatërron kryeministrin e Bavarisë, Markus Soder, me kancelarin gjerman Olaf Scholz.

"Top Channel" shkruante se Gjermania po i “lutej” Shqipërisë, që të kishin një marrëveshje si Italia, pasi ishte më e mirë se modeli britanik, ndërsa lajmin e shoqëron me një foto të kryeministrit Edi Rama me kancelarin Olaf Scholz, ku në fakt qëndrimi ishte i kryeministrit të Bavarisë dhe jo i kancelarit gjerman.

Ndodh në "Top"/ Kur servilizmi kalon neverinë

Por, pas pak ndodh dhe kjo në faqen e "Top Channel". Pak minuta pas publikimit të këtij artikulli, ndryshohet lajmi, titulli po ashtu dhe fotoja që shoqëron artikullin.

Kështu ndodh në "Top Channel", pasi edhe në ndryshimin e bërë i servilosen qeverisë sa i përket marrëveshjes së emigrantëve me Italinë.

Ndodh në "Top"/ Kur servilizmi kalon neverinë

Por çfarë ka deklaruar kryeministri i Bavarisë, Markus Söder?

Në një artikull të "DW" thuhet se Italia dëshiron të hapë dy kampe refugjatësh në territorin e Shqipërisë.

Kryeministri i Bavarisë ka deklaruar se një zgjidhje e tillë mund të ndihmonte edhe Gjermaninë.

Këto deklarata kryeministri bavarez i bëri në një mbledhje të grupit parlamentar të Partisë Kristian-Sociale, CSU, e cila u mbajt në manastirin Banz. CSU është parti e djathtë.

Söder tha se ai e konsideron këtë model si më bindës se synimi britanik për të ngritur kampe për refugjatët në Ruandë.

Kurse kryeministri i Shqipërisë, Rama, theksoi se çdo gjë që bën Shqipëria është në përputhje me ligjet dhe vlerat e Bashkimit Evropian./ CNA

 





Lajmet e fundit nga