web counter
LEXO PA REKLAMA!

SHKARKO APP

App Store
Google Play

Basha nxjerr ushtarin e tij/ Krekoset para mediave: Jam përfaqësues i PD-së

19 Janar 2024, 10:51, Aktualitet CNA

Basha nxjerr ushtarin e tij/ Krekoset para mediave: Jam përfaqësues i

Lulzim Basha ka nxjerrë para mediave “ushtarin” e tij, Enkelejd Alibeaj, i cili është bashkëkryetar i Komisionit për Reformën Zgjedhore, mbledhja e së cilës do të mbahet sot në orën 11:00.

Alibeaj ka renditur propozimet që do të bëjë në komision, që përfshijnë votën e emigrantëve, listat e hapura dhe votimin elektronik.

Ushtari i Bashës nuk ka harruar të krekoset duke thënë se është në komision si përfaqësues i PD-së, ndërkohë që opozita ka akuzuar më herët se mazhoranca e ka përcaktuar dhe përfaqësuesin e PD-së për këtë komision.

“Unë jam bashkëkryetar i këtij komisioni i kërkuar nga PD para një viti e gjysmë. Është kërkuar nga PD se mazhoranca nuk donte.

Për të qenë i sinqertë dhe realist, unë jam përfaqësues i PD dhe jo i interesave të partive të tjera opozitare.

E kam thënë ato katër çështje që i kemi depozituar nuk janë një rreth i mbyllur, i cili nuk mund të pasurohet apo shtohet me propozime të tjera. Secili nga anëtarët e komisionit ka të drejtën nëse ka ide se si vota e shqiptarëve jashtë Shqipërisë të bëhet efektive dhe votimi elektronik të garantohet, ka të drejtën të sjellë këto propozime dhe t’i analizojmë. Të kemi një qëllim të përbashkët përballë mazhorancës”, tha Alibeaj./ CNA





Lajmet e fundit nga