web counter
LEXO PA REKLAMA!

SHKARKO APP

App Store
Google Play

Ndërprerja e energjisë në Tiranë prek dhe QSUT-në

19 Janar 2026, 22:49, Aktualitet CNA

Ndërprerja e energjisë në Tiranë prek dhe QSUT-në

Ndërprerja e energjisë elektrike në Tiranë mbrëmjen e sotme ka prekur dhe Qendrën Spitalore Universitare.

Me anë të një deklarate QSUT njofton se në një prej godinave ka pasur ndërprerje të përkohshme të energjisë, por janë akitivizuar sistemet rezervë.

Sa u përket aparaturave jetike, QSUT njofton se kanë funksionuar normalisht.

Më tej, në njoftim thuhet se ekipet janë në gatishmëri të plotë për të vepruar sipas protokolleve.

 

Njoftimi i QSUT

 

Qendra Spitalore Universitare “Nënë Tereza” informon se sot në mbrëmje, për shkak të një defekti në linjën e furnizimit me energji elektrike të tensionit të lartë që furnizon Godinën A2 të QSUT, ka pasur një ndërprerje të përkohshme të energjisë elektrike.

Falë aktivizimit të menjëhershëm të sistemeve rezervë (UPS, Gjeneratorë), aparaturat mjekësore jetike kanë vijuar të funksionojnë normalisht, duke garantuar vijimësinë e trajtimit dhe duke mos u cenuar në asnjë moment jeta e pacientëve.

Menjëherë, ekipet mjekësore, teknike dhe drejtuese janë vënë në gatishmëri të plotë, duke vepruar sipas protokolleve të sigurisë dhe duke ofruar çdo suport të nevojshëm, për garantimin e shërbimit shëndetësor si dhe duke marrë masat e nevojshme.

QSUT siguron qytetarët se situata është menaxhuar me përgjegjësi dhe profesionalizëm dhe se institucioni mbetet në gatishmëri të plotë, për të përballuar çdo situatë, në funksion të mbrojtjes së shëndetit dhe jetës së pacientëve.

QSUT ka ngritur menjehere grupin e punës për verifikimin e situatës.





Lajmet e fundit nga