web counter
LEXO PA REKLAMA!

SHKARKO APP

App Store
Google Play

E fundit!

x

Momentet e vështira të deputetit/ “Fjeta 20 ditë në stacion treni”

13 Prill 2024, 20:46, Aktualitet CNA
Momentet e vështira të deputetit/ “Fjeta 20 ditë në
Foto ilustruese

Deputeti i PD-së, Saimir Korreshi tregoi këtë të dielë periudhën e vështirë të jetës së tij, kur emigroi në Itali për të kryer studimet dhe njëkohësisht për të punuar.

Korreshi rrëfeu në një dalje televizive se familja e tij kishte vështirësi ekonomike, ndërsa babain e kishte të sëmurë.

Ai tha se në Itali nuk gjeti mbështetje dhe duke qenë se nuk kishte një shtëpi ku të rrinte, ka fjetur 20 ditë në stacionin e trenit.

Madje, deputeti tregoi se në ditën e parë të qëndrimit në stacionin e trenit i shkoi një i pastrehë dhe e ngriti nga stoli.

“Unë ika sepse familja ime ka pasur vështirësi ekonomike. Babi im ka qenë i sëmurë, pati një infarkt. Isha personi i vetëm që punonte në shtëpi në ’99. Pas asaj pashë që familja nuk kishte mundësi ekonomike të më mbante në Tiranë.

Zgjodha Italinë, kishte edhe mundësi të punoja. Atje ka qenë vështirësi, prap fat lushnjari. 20 ditët e para kam qenë pak i përhumbur se nuk kishte kush t’më priste. Ishin nja dy miqtë e mi që u ofruan, por nuk kishin mundësi të më mbani, e kthyen në momentin e fundit. Për rreth 20 ditë kam qëndruar në stacionin e trenit. 20 ditë kam fjetur në stacionin e trenit me ato çantat e sportit që kisha marrë me vete, me ato pak rroba që kisha marrë me vete.

Ditën e parë më vjen një burrë, nuk ishte italian, më duket arab nga gjuha, apo marokien, më thotë spostohu se kam shkruajtur emrin tek ai stol. Kështu që ishte një moment i vështirë ai atje, por fatmirësisht qe një periudhë qe fund gushti-shtator dhe qe ngrohtë, nuk ishte ftohtë”, theksoi Saimir Korreshi./ CNA





Lajmet e fundit nga