web counter
LEXO PA REKLAMA!

SHKARKO APP

App Store
Google Play

“Moçali po trazohet”/ Kikia: Drejtësia ka marrë “pushkën”

26 Tetor 2023, 17:46, Aktualitet CNA
“Moçali po trazohet”/ Kikia: Drejtësia ka marrë
Analisti dhe gazetari Mentor Kikia

Analisti dhe gazetari Mentor Kikia ka komentuar zhvillimet e fundit dhe aksionet e SPAK.

Kikia përmes një komenti në rrjete sociale, shkruan se drejtësia ka marrë “pushkën” dhe po lufton me zyrtarë dhe figura politike, duke përmendur rastin e ish kryeministrit Sali Berisha, i cili akuzohet për korrupsion pasiv.

Gazetari thekson se për herë të parë po hetohet një ish kryeministër për vendimet që ka marrë kabineti qeveritar pasi tani sipas Kikisë korruspioni bëhet me VKM dhe jo me valixhe me para “cash”

“Drejtësia ka marrë “pushkën”. Dhe ne s’mund të themi tjetër gjë veçse të urojnë sipas traditës tonë “pushka top t’u bëftë”.

Ca të arrestuar, ca në arrati, cë nën hetim e ca të përfolur se do të arrestohen së shpejti.

Mazhoranca i konsideron si sukses të “luftës antikorrupsion” arrestimet e zyrtarëve të korruptuar. Ndërsa opozita akuzon për vendime politike lidhur me hapjen e hetimeve për ish kryeministrin Berisha.

“Gjyqet” publike nëpër studio rreken të zbulojnë se me kë është SPAK-u dhe ku do të dalë me këto që po bën. Dikush mendon se prokuroria ka marrë përsipër të pastrojë politikën dhe se Shqipëria do të shpëtojë pas kësaj. Dikush mendon se SPAK po bën arrestime të komanduara nga Rama brenda qeverisë.

Dikush tjetër mendon se është me mision për të shkatërruar opozitën për llogari të Ramës.

Vërejtje ka plot, dhe lista e atyre që duhet të bëjë SPAK është e gjatë.

Por rëndësi ka që moçali po trazohet. Zullumi u trash shumë sepse ata që kishin në dorë çelësat nuk kishin frikë të vidhnin dhe u zhytën deri në fyt. Sepse pandëshkueshmëria ishte një ligj më vete.

Hetimet ndaj Berishës janë sprova më e madhe e drejtësisë në këto 3 dekada. Jo për shkak të peshës së tij si politikan, por për shkak se për herë të parë një ish kryeministër hetohet e dyshohet për vendimet që ka marrë kabineti qeveritar që ai ka drejtuar. Sepse korrupsioni nuk bëhet me me valixhe “cash”, por me VKM dhe ligje.

Do të dalë kjo një “bllof” apo do të krijojë një kazus juridik?

Këtë s’e dimë!

Megjithatë, tani për tani, ajo që mund të bëjmë është ti themi SPAK-ut “puna e mbarë” dhe Ambasadës Amerikane “faleminderit””, shkruan Kikia./ CNA





Lajmet e fundit nga