web counter
LEXO PA REKLAMA!

SHKARKO APP

App Store
Google Play

Ministrat e BE-së arrijnë marrëveshjen për planin emergjent për gazin

26 Korrik 2022, 13:02, Aktualitet CNA

Ministrat e BE-së arrijnë marrëveshjen për planin emergjent

Ministrat e Energjisë të Bashkimit Europian kanë rënë dakord për një plan për të reduktuar përdorimin e gazit në të gjithë bllokun, mes frikës se Rusia mund të ndalojë furnizimet.

Por disa thonë se propozimi aktual i zbutur nuk do të mjaftojë për t'u përgatitur për dimër.

Marrëveshja është njoftuar nga Republika Çeke, e cila mban aktualisht presidencën e BE-së.

"Ky nuk ishte një mision i pamundur!" ka shkruar në "Twitter" presidenca çeke.

Zyrtarët kanë planifikuar të mbajnë një konferencë shtypi, për të zbuluar detajet e marrëveshjes.

Takimi i jashtëzakonshëm vjen pasi Rusia do të reduktojë sërish dërgesat e gazit në bllok, i cili varej nga Moska për 40% të furnizimit të saj përpara se Rusia të pushtonte Ukrainën në fund të shkurtit.

Megjithëse Rusia ka përmendur arsye teknike për reduktimin, shumë në BE e shohin masën, si një përgjigje për sanksionet e Perëndimit ndaj Moskës pas pushtimit të Ukrainës.

Çfarë parashikon plani aktual?

Projektpropozimi i ri kërkon që ende një shumicë vendesh të zbatojnë reduktimin detyrues prej 15% në një emergjencë të furnizimit, njoftoi agjencia e lajmeve "DPA", duke cituar diplomatë të përfshirë në bisedime.

Megjithatë, vendet si Irlanda dhe Malta që nuk janë të lidhura me rrjetet e gazit të BE-së do të përjashtohen.

Do të kishte objektiva më të dobët për vendet që eksportojnë gaz ose ruajtja e gazit është pothuajse e plotë. Disa industri të tilla si degët kimike dhe çeliku mund të përfitojnë gjithashtu përjashtime.

Rezistenca ndaj planit është udhëhequr nga Spanja dhe Portugalia, të cilat kanë pak lidhje me rrjetin e tubacioneve të gazit të BE-së. Greqia ka thënë gjithashtu se plani do të ngarkonte shumë ekonominë dhe qytetarët e saj.

Gjermania, nga ana tjetër, është ndër vendet që mbështetet shumë në gazin rus dhe ka mbështetur fuqishëm planin e emergjencës./CNA.al





Lajmet e fundit nga