web counter
LEXO PA REKLAMA!

SHKARKO APP

App Store
Google Play

E fundit!

x

Çmimet e reja të ilaçeve/ Alimehmeti: Rritje e paarsyetuar, përfiton vetëm qeveria

1 Shkurt 2026, 16:58, Aktualitet CNA

Çmimet e reja të ilaçeve/ Alimehmeti: Rritje e paarsyetuar,

Anëtari i PD-së dhe mjeku, Ilir Alimehmeti ka folur ditën e sotme lidhur me rritjen e çmimit të barnave. Në një lidhje me Syri Tv, Alimehmeti tha se rritja është e paarsyetueshme dhe se nga kjo përfiton vetëm qeveria.

Ai tha më tej se ndërkohë që kemi rritje të çmimeve, qytetarët ende nuk kanë siguri për cilësinë e këtyre ilaçeve.

 “Janë barna të shumë llojeve të ndryshme. Këto çmime të rritura kaq shpejt do të thotë se ka një interes brenda qeverisë për të pasur disa përfitime, ndërmjet disa aktorëve. Në këtë aspektet tentohet të mbulohet një boshllëk financiar, duke shtuar fiktivisht çmimet e disa ilaçeve të cilat në fakt nuk kanë asnjë arsyetim për të pasur këtë rritje. Nga njëri krah kemi rritje çmimesh, nga ana tjetër nuk kemi siguri për cilësinë e tyre. Kemi një ligj që nuk garanton dot nëse kemi barna të certifikuara ose jo në sistemin shëndetësor. Në këtë aspekt nuk ka asnjë shpjegim tjetër. Kanë pritur fundjavën për ta shpallur rritjen. E theksoj këtu nuk ka asnjë argumentim tjetër, përveç se përfitimit të fondit nga njëri krah, dhe mbushjes së disa xhepave nga krahu tjetër. Çmimi i barnave në tregun shqiptar, qofshin të rimbursuara ose jo rregullohen nga Ministria e Shëndetësisë. Dhe përmes skemës së rimbursimit apo nga xhepi çmimin e paguan qytetari. Nuk ka asnjëlloj argumentimi që çmimi i ilaçeve të rritet, sepse nuk janë ilaçe të reja janë të njëjtat”, tha Alimehmeti. /CNA





Lajmet e fundit nga