E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Bllokimi i aksit Librazhd-Prrenjas/ Këlliçi: Duhet zhbllokuar drejtësia që të lirohen rrugët

1 Shkurt 2026, 16:17, Aktualitet CNA

Bllokimi i aksit Librazhd-Prrenjas/ Këlliçi: Duhet zhbllokuar

Deputeti i Partisë Demokratike, Belind Këlliçi ka reaguar përmes një postimi në rrjetet sociale lidhur me bllokimin e aksit Librazhd-Prrenjas.

Këlliçi shprehet se aty ku u bllokuan qindra qytetarë, ministrja e Infrastrukturës dhe Energjisë, Belinda Balluku “është mburrur” për punët cilësore që ka bërë qeveria.

Këlliçi bën thirrje që ministrja Balluku duhet një hetim i plotë dhe transparencë për ndërtimin e këtij aksi. Deputeti në fund të reagimit të tij bën thirrje për pjesëmarrje në protestën e 10 shkurtit, kundër qeveritarëve që vjedhin qytetarët.

Reagimi i plotë:

Gurë e baltë aty ku Balluku pozonte për suksese. Duhet zhbllokuar drejtësia që të lirohen rrugët!

Aty ku sot për orë të tëra janë torturuar qindra qytetarë, të mitur e të moshuar, në aksin Librazhd-Prrenjas, kushedi sa herë Belinda Balluku ka pozuar e ka kryer atë pasarelën me regji të gatshme duke u mburrur për punët e mëdha që po bën qeveria, për cilësinë e sigurinë e tyre.

Sot, ajo mungon.

Sot që gurët dhe balta kanë bllokuar qarkullimin dhe kanë vënë në rrezik sigurinë dhe jetën e udhëtarëve, Belinda nuk shfaqet.

Duhet një transparencë e plotë për rastin, por ajo që dihet deri tani është se Belinda Balluku dhe shefi i saj Edi Rama e kanë çuar deri në 20 milionë euro kilomentrin.

Sepse pjesën më të madhe në një km rrugë, e marrin ata vetë.

Ndaj ndodh kjo që ndodh kudo, në gjithë rrugët e vendit. E mbani mend si thoshte Palloshi; rrugët e lënë rrugëve, dhe fajësonte Saliun.

Pse nuk flet sot?!

Del që në mëngjes me një podcast ku dërdëllit pa fund, deliron aty dhe për portretin e tij, e nuk mban asnjë përgjegjësi për pasojat e rënda që sjell keqmenaxhimi dhe korrupsioni në infrastrukturë.

Pas shumë akseve të tjera të shembura, sot edhe Librazhd-Prrenjas kërkon hetim për Ballukun.

Vetëm se Edi Rama nuk e lejon, e mbron, e mban mbi ligjin dhe nuk lejon SPAK të bëjë punën.

Skandali sot është një thirrje më shumë që me 10 shkurt sheshi të oshëtijë e qytetarët t’i tregojnë vendin Palloshit dhe Belindës së tij, e të gjithë atyre që vjedhin e duan të mos hetohen e të mbajnë karrigen me çdo kusht.

Qytetarëve u takon pushteti dhe Bulevardi do ta tregojë këtë me 10 shkurt. /CNA