web counter
LEXO PA REKLAMA!

SHKARKO APP

App Store
Google Play

E fundit!

x

"Në punë sot, që nesër të mos mbeten rrugëve"/ Mesazhi kuptimplotë i Gjergj Lucës për prindërit dhe të rinjtë

28 Qershor 2022, 10:42, Aktualitet CNA
"Në punë sot, që nesër të mos mbeten
Gjergj Luca me vajzën e tij

Biznesmeni Gjergj Luca e ka nisur ditën e sotme me një mesazh mjaft të veçantë dhe kuptimplotë.

Ai ka ndarë në rrjetin social një video nga Rozafa, ku mes qindra grave që punojnë aty, u janë bashkuar edhe shumë të reja gjimnaziste, për të punuar gjatë sezonit të verës.

Luca shprehet se adoleshentet përmes punës, nuk do të ndihmojnë vetëm familjen, por edhe veten e tyre, për t’i përgatitur për vitin e ardhshëm shkollor.

“Kjo javë ka filluar shumë e bukur për Rozafën sepse të gjitha zonjat, motrat e mia, kanë filluar të marrin vajzat që kanë mbaruar gjimnazin ose që kanë mbaruar provimet më mirë, se ka dhe vajza në vit të parë e vit të dytë gjimnaz, i marrin dhe punojnë tri-katër orë bashkë me nënat e tyre.

Këtu jam me Verën, një nga punëtoret tona më të mira, që ka marrë vajzën e vet dhe punon katër orë çdo ditë gjatë gjithë pushimeve, për të ndihmuar familjen, por pse jo për të ndihmuar edhe veten për t'u përgatitur për vitin tjetër për shkollë.

Është viti i tretë që vjen punon këtu. Unë nuk dua të më bëhen fëmijët e mi më të mirë Vera, edhe ta rujt zoti vajzën dhe ditë më të mira për të gjithë ne”, tha Luca.

Por pjesë e vajzave të reja që kanë shkuar për punë, ka qenë edhe vajza e biznesmenit Luca, Alona.

Gjergj Luca shprehet se Alona punon çdo vit nga një muaj, për të siguruar lekët për kampin ku ajo dëshiron të shkojë.

“Këtu, përveç vajzës së Verës, kemi edhe shumë vajza të tjera të gjimnazit në fabrikën tonë. Me thënë të drejtën, kemi edhe vajza më të vogla, janë dy vajzat e mia. Njëra ikën në gjimnaz, ndërsa Alona është akoma më e vogël. Këtu e kam lënë me Anifen, me punëtoren më të vjetër të Rozafës që mund të ma mësojë dhe të ma edukojë me punë dhe jo me rehatllik. Është kështu Anife? A punon Alona? Alona, të pëlqen të punosh? Se ndonjëherë ke qenë përtace, mezi je zgjuar nga gjumi”, tha Luca.

Në fund, biznesmeni kishte një mesazh mjaft domethënës për të gjithë prindërit që nuk punësojnë fëmijët e tyre.  

“Alona punon sepse do të ikë në kamp. Punon një muaj në fabrikë për të fituar lekët e kampit dhe ikën në kamp. Unë kam një thirrje për të gjithë njerëzit që kanë mundësinë t'i mbajnë fëmijët edhe po të mos punojnë. Unë ju them jepu mundësi fëmijëve të punojnë, të kuptojnë se si nxirret leku. Është shumë e rëndësishme që fëmijët tanë të shkojnë në rrugën tonë, sepse po ua plotësuam të gjitha gjërat atëherë mendoj që më e rëndësishmja është që ata të kuptojnë se si nxirret leku dhe leku fitohet vetëm nëpërmjet punës, jo nëpërmjet rehatisë. Këto dy muaj na është zbukuruar, me gjithë këtë rini që na është shtuar bashkë me ne për të punuar”, tha Luca./CNA.al





Lajmet e fundit nga