web counter
LEXO PA REKLAMA!

SHKARKO APP

App Store
Google Play

“Mediat po i vënë gjobë ujit Lajthiza”/ Gjergj Luca, thirrje Qeverisë: Mbaj qëndrim!

17 Tetor 2024, 20:43, Aktualitet CNA
“Mediat po i vënë gjobë ujit Lajthiza”/ Gjergj Luca,
Sipërmarësi Gjergj Luca

Sipërmarësi Gjergj Luca ka reaguar ashpër për raportimet kundër ujit Lajthiza.

Me anë të një videoje, Luca shpreh indinjatën ndaj mediave, teksa thotë se për të vendosur gjoba po sulmojnë një nga brandet më të mira shqiptare.

Ai deklaron se ujin Lajthiza e përdor prej vitesh në restorantet e tij dhe nuk ka pasur asnjëherë ankesa, por vetëm fjalë të mira, nga shqiptarë dhe të huaj.

“Ky është uji Lajthiza. Ne këtë ujë e kemi qysh në fillimet e restoranteve tona, ose më saktë ne kemi filluar para këtyre, por që kur ky burri me këtë lloj marke ka filluar biznesin e ujit ne e kemi të pranishëm në Rozafë dhe e kemi për një arsye fare të thjeshtë, nuk kemi pasur asnjë lloj reklamimi për vite e vite me radhë për këtë lloj uji. Por, përkundrazi, me mijëra të huaj dhe me mijëra klientë shqiptarë ne na kanë thënë fjalët më të mira për këtë ujë, që ne vetë e pimë në familjet tona.

Miqtë e mi, mua më vjen jashtëzakonisht keq që kohët e fundit kanë nisur një fushatë mediat e tallavasë gjobëvënëse për këtë ujë, për këtë brand që është një nga brandet më të mira shqiptare, dhe është një nga brandet mbase shumë të njohur dhe është krenari për Shqipërinë edhe jashtë Shqipërie”, thotë biznesmeni.

Luca thekson se akuzat ndaj ujit Lajthiza i bëjnë dëm Shqipërisë.

Gjithashtu, ai jep edhe një mesazh për Qeverinë, të cilës i kërkon të reagojë ndaj gjobave të mediave.

“Pse gjithë ky mllef? Pse gjithë kjo gjobëvënie për njerëzit e talentuar, për njerëzit e suksesshëm në Shqipëri? Pse këto njerëz hedhin baltë? Si ka mundësi që këto tallava nxjerrin këtë ujë me llum në fund? A i vjen zor? A e kuptojnë se sa dëm i bëjnë shqipërisë sonë? A e kuptojnë se sa të neveritshëm bëhen përpara klientit? A e kuptojnë që ai Hajriu, që ka filluar punë me mua me brekë të shkurtra në vitet ’90, ia ka bërë Zoti mbarë për të bërë një fabrikë të jashtëzakonshme, me një sakrificë shumë të madhe? Ej… është turp! Është turp për ju miq! Është turp për Qeverinë tonë që nuk mban qëndrim karshi këtyre portaleve të ndyra që vetëm nxijnë”, nënvizoi sipërmarrësi./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga