web counter
LEXO PA REKLAMA!

SHKARKO APP

App Store
Google Play

Policia e Shtetit përgënjeshtron opozitën: Asnjë efektiv me armë në tubim

17 Tetor 2024, 12:46, Aktualitet CNA

Policia e Shtetit përgënjeshtron opozitën: Asnjë efektiv me

Policia e Shtetit ka përgënjeshtruar opozitën, e cila pretendon se një efektiv policie ka tentuar t'u drejtojë armën deputetëve të opozitës.

Në njoftimin zyrtar të policisë thuhet se asnjë punonjës policie nuk ka qenë i pajisur me armë gjatë tubimit. 

"Shërbimet e Drejtorisë Vendore të Policisë Tiranë, me mbështetjen e Forcës Kombëtare të Sigurisë, kanë marrë të gjitha masat për garantimin e rendit dhe sigurisë publike, si dhe për mbarëvajtjen e tubimit të organizuar para bashkisë Tiranë.

Gjatë tubimit është bërë thirrje që pjesëmarrësit t’i drejtoheshin Godinës së Kuvendit.

Shërbimet e Policisë, konform ligjit, forcat policore kanë marrë masa për të garantuar sigurinë e institucioneve shtetërore ne rastin konkret te Kuvendit të Republikës së Shqipërisë për të parandaluar një sulm të mundshëm nga protestuesit ndaj këtij institucioni.

Bazuar në ligjin “Për tubimet”, punonjësit e Policisë, të angazhuar për mbarëvajtjen e tubimit, asnje punonjes policie nuk ka qene i pajisur me armë zjarri gjate tubimit, po vetëm me mjete mbrojtëse dhe me shkopinj gome.

Përgënjeshtrojmë lajmin që punonjës të Policisë, në tubim, iu kanë nxjerrë tubuesve, armët e zjarrit.

Policia e Shtetit është e vendosur për të garantuar të drejtën e tubimit, liritë dhe të drejtat e tjera të qytetarëve, si dhe pronën publike dhe atë private.

Ndërkohë, Policia e Shtetit do të kryejë të gjitha veprimet hetimore dhe shtetasit përgjegjës për veprimet e dhunshme ndaj punonjësve të Policisë, do të kallëzohen në Prokurori", thuhet në njoftim./ CNA





Lajmet e fundit nga