“Më në fund u hap partia, numër i shumtë kandidaturash”/ Ilir Vrenozi ironizon garën për kreun e PD

30 Prill 2026, 20:27, Aktualitet CNA

“Më në fund u hap partia, numër i shumtë

Korçari i famshëm, Ilir Vrenozi ka bërë një reagim për zgjedhjet për kryetar në Partinë Demokratike. Me anë të një postimi në rrjetet sociale, me tone ironie, Vrenozi thotë se më në fund u hap Partia Demokratike dhe ka një numër të shumtë kandidatësh për kryetar.

Duke vijuar më tej me ironinë ndaj PD-së, Vrenozi shprehet se me këto ndryshime të bëra në parti, Rama s’do të ketë vend ku të futet.

Demokrati i famshëm thotë se me këto zgjedhje me kaq shumë kandidatura, PD tregon se ecën e sigurt drejt zgjedhjeve të 2027-s dhe 2029-s.

“Pas 16 vitesh që jemi në opozitë, shyqyr Zotit që sot u hap e djathta, Partia Demokratike. Sot vajtën emrat e kandidatëve për kryetar të Partisë Demokratike që do të bëhen në maj, shyqyr Zotit që të marrë frymë partia. Kandidatët janë të shumtë. Është doktor Ilir Alimehmeti, që ishte një shpresë e madhe e njerëzve. I dyti Tomor Alizoti, që është i djathtë bio, ka hedhur kandidaturën për kryetar të Partisë Demokratike. Shyqyr Zotit që më në fund Partia Demokratike u hap dhe po fut frymën. Gaz Bardhi ka shënuar emrin për kandidat për kryetar të Partisë Demokratike. Gjekmarkaj edhe ai ka hedhur kandidaturën për kryetar të Partisë Demokratike. Këta janë kryesorët domethënë: Ilir Alimemeti, Tomor Alizoti, Gaz Bardhi, Gjekmarkaj. Janë nja gjashtë a shtatë, por që janë shumë, s'i mbaj mend të gjithë. Kjo është një hapje e Partisë Demokratike që të marrë frymë. Pas 16 vitesh humbjesh, Partia Demokratike më në fund u hap, do marrë frymë, do hyjnë njerëz të rinj, si doktor Ilir Alimemeti që para dy-tre vitesh kishte një simpati në kampin e djathtë. Edhe Tomor Alizoti që është i djathtë, më në fund do kandidojë dhe ai për kryetar të Partisë Demokratike. Gaz Bardhi, që e ka patur gjithmonë, , domethënë do me patjetër të bëhet kryetar i Partisë Demokratike. Gjekmarkaj do bëhet kryetar i Partisë Demokratike. Edhe Luan Baçi më duket se ka hedhur kandidaturën për kryetar të Partisë Demokratike. Edhe Tritan Shehu më duket ka hedhur për kryetar të Partisë Demokratike. Tritan Shehu është një frymë e re në Partinë Demokratike. Kështu që, sot fryu një erë e re për të djathtën. Më në fund, do të ketë zëra kundër, se prandaj jemi të djathtë, që zërat kundër, të gjitha t'i kemi, të jemi të gjithë bashkë, fraksionet, të gjithë jemi mbledhur tani se na duhet çdo votë, jemi mbledhur dhe tani, ku do futet Rama tani? Tani që tërë këto mori frymë PD-ja, tërë këto, neve tani jemi shkëlqyer. Do presim tani zgjedhjet, fitoftë më i miri.

Domethënë doktor Alimemeti një, Tomor Alizoti dy, Gaz Bardhi tre, Gjekmarkaj katër, Luan Baçi pesë, Tritan Shehu gjashtë dhe doktor Berisha shtatë. Shtatë kandidatura për Partinë Demokratike. Të zgjedhim, domethënë freski e madhe në parti, të shikojmë dhe me këto zgjedhje tregojmë dhe do ecim të sigurtë në zgjedhjet e 2027-s dhe 2029-s. O bir i nënës, o bir”, tha Vrenozi.