web counter
LEXO PA REKLAMA!

SHKARKO APP

App Store
Google Play

Procesi për hapjen e basteve online/ Malaj: Kanë mbetur edhe dy akte nënligjore

30 Prill 2026, 14:31, Aktualitet CNA

Procesi për hapjen e basteve online/ Malaj: Kanë mbetur edhe dy akte

Ministri i Financave, Petrit Malaj ka folur në konferencën e sotme për mediat, lidhur me procesin për hapjen e basteve sportive online. Malaj u shpreh se kanë mbetur edhe dy akte nënligjore që po bashkërendohen me Ministrinë e Drejtësisë.

Ministri bëri me dije se sapo aktet të përfundojnë do të vijohet me licencimin e operatorëve që ofrojnë pjesën e basteve online në mënyrë të ligjshme.

“Për sa u përket basteve sportive online, kanë mbetur edhe dy akte nënligjore që ne po i bashkërendojmë dhe dakordësojmë me Ministrinë e Drejtësisë dhe, sapo të përfundojë bashkërendimi dhe dakordësimi, do t’i publikojmë ato, në mënyrë që të vijohet me licencimin e operatorëve potencialë për të ofruar në mënyrë të ligjshme pjesën e basteve online”, tha Malaj.

Në konferencë, Malaj u pyet për paqen fiskale, ku tha se dhe aktet për fshirjen e detyrimeve doganore dhe tatimore pritet të hyjnë në fuqi brenda muajit maj.

“Sa u përket akteve nënligjore për fshirjen e detyrimeve doganore dhe tatimore dhe paqes fiskale, siç deklarova edhe dje, do të hyjnë në fuqi brenda këtij muaji. Dhe nëse do të ketë apo jo zgjatje të afateve, do të vlerësohet, sepse mund të ndodhë brenda muajit maj, në gjysmën e parë apo të dytë. Në varësi se si do të ecim me miratimin e këtyre udhëzimeve dhe akteve nënligjore, do të vendosim nëse do të ketë shtyrje apo jo. Nëse do të ketë shtyrje, do të bëjmë ndërhyrje ligjore, sepse afatet janë të përcaktuara me ligj”, theksoi ministri i Financave. /CNA





Lajmet e fundit nga