web counter
LEXO PA REKLAMA!

SHKARKO APP

App Store
Google Play

“Më afër se Aruba”/ Tomorri: Hetime nga Belgjika dhe Italia për përfshirje të zyrtarëve shqiptarë në botën e krimit

30 Shtator 2025, 21:42, Aktualitet CNA

“Më afër se Aruba”/ Tomorri: Hetime nga Belgjika dhe

Gazetari Klodian Tomorri komentoi sot lidhur me hetimet ndërkombëtare mbi krimin e organizuar dhe rastet kur ka pasur edhe përfshirje nga zyrtarë shqiptarë.

I ftuar në emisionin 'A Show', Tomorri përmendi hetimet që po kryhen në shtetin belg dhe atë italian.

Tomorri shtoi se historitë e ‘mpleksjes’ së përfaqësuesve të qeverisë me krimin janë më afër seç mendohet, pa shkuar deri në Aruba.

“Hetimet në Belgjikë flasin për përfaqësues të qeverisë shqiptare, hetimet në Itali flasin për të njëjtën gjë.

Sigurisht ky është një skandal në vetvete, pavarësisht gjithë të tjerave që ne nuk kemi emrin dhe tani këtu ka nisur xhiroja e emrave, ishte ky apo ishte ai.

Ne jemi në kushtet, sepse historia ka parë takime ndërkombëtare të mafias, që nga ai i Nju Jorkut, takimi i famshëm i Palermos ku shkuan të gjithë krerët e Cosa Nostras. Por kanë qenë takime mafioze, nuk ka patur ndonjë qeveri që ka dërguar përfaqësuesit e vet në një takim të mafias. Kjo është pjesa që duhet të hetohet më tej.

Këtu jemi si tek rasti i Departamentit të Shtetit apo çështjes së ‘Tigrave’, ku ne nuk i provojmë dot se ku kanë shkuar paratë, por kemi fakte të tjera që mund t’i provojmë.

Fakti është se, biznesmenët apo ata që quhen si koka të narkotrafikut që kanë qenë pjesë në atë takim, pronat e tyre po zhvillohen në Shqipëri dhe janë pronarë të pjesës më të madhe në bregdet. Mbi pronat e tyre po ndërtohen resorte luksoze me lejen e qeverisë shqiptare.’

Pra nuk kemi nevojë të shkojmë deri në Aruba për të provuar mpleksjen e qeverisë në këtë histori. Mjafton të shohim vendimet e qeverisë dhe se atë që qeveria bën”,-tha Tomorri./CNA





Lajmet e fundit nga