web counter
LEXO PA REKLAMA!

SHKARKO APP

App Store
Google Play

E fundit!

x

Kryepiskopi Joan për 'Vatican News': Kisha të jetë largpamëse kur vlerëson ndikimin e teknologjisë

30 Shtator 2025, 19:43, Aktualitet CNA

Kryepiskopi Joan për 'Vatican News': Kisha të jetë

Kryepiskopi i Tiranës, Durrësit dhe Gjithë Shqipërisë, Fortlumturia e Tij, Imzot Joani tha sot për “VaticanNews” se Kisha duhet të jetë e kujdesshme, e mençur dhe largpamëse kur vlerëson ndikimin e teknologjisë në jetën e njeriut.

Në mesazhin e tij për median e Vatikanit, Kryepiskopi Joan u shpreh se Kisha duhet ta shenjtërojë mënyrën se si i qasemi teknologjisë, në mënyrë që teknologjia të mund t'i sjellë dobi njerëzimit dhe të mos jetë një rrezik për të.

 “Kisha duhet të ketë sy të mençur për të parë se çfarë të mire ka në teknologji dhe për t'i paralajmëruar njerëzit për rreziqet e saj. Problemi nuk është teknologjia, por si e përdorim atë.

Pyetja që duhet bërë është nëse mund ta kontrollojmë atë dhe nëse mund të jetë në avantazhin tonë, jo vetëm për fitim, por a mund të jetë teknologjia një avantazh për jetën tonë shpirtërore?

Ne duhet ta shenjtërojmë mënyrën se si i qasemi teknologjisë, në mënyrë që teknologjia të mund t'i sjellë dobi njerëzimit dhe të mos jetë një rrezik për të. Kisha Ortodokse Shqiptare mund të mbështetet në një përfshirje të fortë të të rinjve, në një kohë kur njerëzit janë në kërkim të kuptimit, më shumë se kurrë, Kisha duhet t'u përgjigjet pyetjeve të tyre.

Duke i pritur ata, duke u ofruar dashuri, mirëkuptim dhe duke kujtuar gjithmonë se ne nuk jemi gjykatë. Ne jemi një spital dhe nuk duhet t'i gjykojmë, por t'i ndihmojmë”,-tha Kryepiskopi.

Kryepiskopi ndau mesazhin e tij pasi mori pjesë në konferencën ndërkombëtare me temë: “Teologjia Ortodokse dhe Ontologjia e Teknologjisë: Pasojat Antropologjike, Politike, Ekonomike, Shoqërore dhe Kulturore” që u mbajt në Selanik./CNA





Lajmet e fundit nga